پی ایس ایل؛ خواجہ نافع نے تاریخ ہی بدل ڈالی

ویب ڈیسک  منگل 20 فروری 2024
انہوں نے قلندرز کیخلاف 31 گیندوں پر 60 رنز کی اننگز کھیلی (فوٹو: پی سی بی)

انہوں نے قلندرز کیخلاف 31 گیندوں پر 60 رنز کی اننگز کھیلی (فوٹو: پی سی بی)

لاہور قلندرز کیخلاف کوئٹہ گلیڈی ایٹرز کی جیت میں اہم کردار ادا کرنے والے ایمرجنگ کرکٹر خواجہ نافع نے پی ایس ایل کی تاریخ بدل کر رکھ دی۔

گزشتہ روز قذافی اسٹیڈیم میں کھیلے گئے میچ میں کوئٹہ گلیڈی ایٹرز نے لاہور قلندرز کو ہوم گراؤنڈ پر 5 وکٹوں سے شکست دیکر مسلسل دوسری جیت درج کی۔

اس میچ میں ایمرجنگ کرکٹر خواجہ نافع نے شاندار کھیل کا مظاہرہ کیا، انہوں نے جارحانہ اننگز کھیلتے ہوئے محض 31 گیندوں پر 60 رنز کی اننگز کھیلی جس میں 4 چوکے اور 3 چھکے شامل تھے۔

مزید پڑھیں: پی ایس ایل9؛ شاہین نے شاندار پرفارمنس پر نافع کو اپنا بیٹ تحفے میں دیدیا

نافع کی اننگز کی بدولت کوئٹہ نے 188 رنز کا ہدف محض 19.1 ایک اوورز میں حاصل کرلیا۔

نوجوان کرکٹر پی ایس ایل کی تاریخ میں پہلی مرتبہ 30 سے ​​زائد گیندوں کی اننگز میں صرف ایک ڈاٹ بال کھیلنے والے پہلے کھلاڑی بنے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔