آئی سی سی چیمپئینز ٹرافی کا ہائی وولٹیج پاک بھارت مقابلہ بلیک مارکیٹرز کے ریڈار پر آگیا۔
ایکسپریس نیوز کے مطابق روایتی حریف پاکستان اور بھارت کے دبئی میں ہونیوالے ہالی وولٹیج مقابلے کا ایک بلیک مارکیٹ میں 12 لاکھ روپے سے زائد میں فروخت ہونے کا انکشاف ہوا ہے۔
رپورٹ میں بتایا گیا ہے کہ دبئی میں ہونیوالے ٹاکرے کیلئے بہتر نشستوں کے ٹکٹ 15 لاکھ روپے سے بھی آگے جاسکتے ہیں، ٹکٹیں بلیک کرنے والوں نے ایک ہی دن میں اپنے دکھ درد دور کرنے کی تیار مکمل کرلی ہے۔
مزید پڑھیں: بھارتی ٹیم کے پاس چیمپیئنز ٹرافی میں کون سی نئی تاریخ رقم کرنے کا موقع؟
چیمپئنزٹرافی میں پاک بھارت کے آفیشل پلیٹ فارمز پر ٹکٹ حاصل کرنے میں ناکام رہنے فینز بلیک مارکیٹرز سے مہنگے داموں ٹکٹ خریدنے پر مجبور ہیں۔
دوسری جانب سابق بھارتی کرکٹر ہربھجن سنگھ نے اس مقابلے کے اپنی ٹیم کے حق میں یکطرفہ رہنے کی پیشگوئی کردی، یوٹیوب ویڈیو میں انھوں نے کہا کہ یہ ایک یکطرفہ مقابلہ ہوگا۔
مزید پڑھیں: چمپئینز ٹرافی؛ افتتاحی تقریب کیلئے پاک فضائیہ کے طیاروں کی فضائی مشقیں
ہربھجن سنگھ کا کہنا تھا کہ آپ پاکستان کے مین بیٹرز پرایک نظر ڈالیں، ان کے اسٹار بیٹر بابراعظم کی بھارت کے خلاف اوسط 31 ہے، اگر کوئی ٹاپ بیٹرز ہے جس کی اوسط 50 کے آس پاس ہے تو وہ رضوان ہیں، میں بطور پلیئر انھیں کافی پسند کرتا ہوں، وہ آزادی سے کھیلتے ہیں مگر بھارت کے خلاف ان کی اوسط بھی 25 ہے۔
مزید پڑھیں: چیمپئینز ٹرافی کی انعامی رقم کا اعلان ہوگیا، کتنی ملے گی؟
البتہ فخر زمان پاکستان کے واحد اسپیشلسٹ اوپنر اور ان کی اوسط 46 ہے، یہ اچھی ایوریج ہے، فخر بھارت سے میچ دور لے جاسکتے ہیں، فہیم اشرف کی اوسط 12.5 ہے، اسکے علاوہ سعود شکیل کی بھارت کے خلاف ایوریج 8 ہے، میں نہیں سمجھتا کہ ایسی بیٹنگ لائن کی حامل ٹیم بھارت کے مدمقابل فائٹ بھی کرپائے گی۔