صوبائی دارالحکومت سمیت پنجاب شدید گرمی کے شکنجے میں ہے۔ سورج نے آنکھیں دکھانا شروع کردیں اور گرمی کی شدت بدستور جاری ہے۔
محکمہ موسمیات کے مطابق لاہور میں آج کم سے کم درجہ حرارت 30 جبکہ زیادہ سے زیادہ 44 تک جانے کا امکان ہے۔
یاد رہے کہ پی ڈی ایم اے نے آج سے 16 جون کے دوران پنجاب کے بیشتر اضلاع میں تیز آندھی، گرد آلود ہوائیں اور بارش کےلیے الرٹ جاری کر رکھا ہے۔
محکمہ موسمیات کے مطابق لاہور میں آج بارش کا امکان نہیں اور ہلکی ہوا چلنے کا امکان ہے۔
