گرفتار ملزم بلال کی تصویر (فوٹو ایکسپریس)
مبینہ ٹاؤن پولیس نے جامعہ کراچی کی بس پر فائرنگ کرنے کے الزام میں ایک ملزم کو گرفتار کر کے اسلحہ اور گاڑی برآمد کرلی۔
ایکسپریس نیوز کے مطابق جامعہ کراچی کے طلبا کی بس پر فائرنگ کرنے کے الزام میں ایک ملزم کو گرفتار کر کے اسلحہ اور گاڑی برآمد کرلی۔
جامعہ کراچی کے پوائنٹ (بس) پر فائرنگ کا واقعہ منگل کی دوپہر پیش آیا تھا جس کی اطلاع مبینہ ٹاؤن تھانے کو انتظامیہ کی جانب سے منگل کی شب دی گئی تھی۔
ایس ایچ او مبینہ ٹاؤن چوہدری زاہد نے بتایا کہ واقعہ بس اور کار سوار کے درمیان کسی تلخ کلامی کے باعث پیش آیا تھا تاہم پولیس نے بس پر فائرنگ کرنے والے ملزم بلال گلستان جوہر کے علاقے بلاک 15 سے گرفتار کر کے اسلحہ اور کار برآمد کرلی جس سے مزید تحقیقات کا عمل جاری ہے۔
