پاکستانی عمرہ زائرین سعودی عرب کے جدہ ائیرپورٹ پر پھنس گئے جب کہ مسافروں نے کہا ہے کہ ہم 5 روز سے جدہ ائیرپورٹ پر دھکے کھا رہے ہیں۔
رپورٹ کے مطابق لاہور کی فیملی عمرہ کی ادائیگی کے بعد وطن واپسی کیلئے پانچ روز سے ائیرپورٹ پر پھنس ہوئی ہے، عمرہ زائرین کو 27 ستمبر کے بعد 29 ستمبر کو ائیرپورٹ پر بلا کر واپس بھیجا گیا۔
متاثرہ مسافروں نے کہا کہ واپسی کے لئے روزانہ ٹائم دیا جاتا ہے مگر واپس پاکستان نہیں لایا جا رہا۔
مسافروں نے پاکستانی اعلی حکام سے نوٹس لینے کا مطالبہ کیا اور کہا کہ 27 ستمبر کو واپس پاکستان آنا تھا، آج بھی صبح سے مسافر جدہ ائیرپورٹ پر ہیں لیکن جہاز دستیاب نہیں۔
