آج سے 4 اپریل تک ملک کے بیشتر حصوں میں آندھی اور گرج چمک کے ساتھ بارش کی پیشگوئی کی گئی ہے۔
محکمہ موسمیات کے مطابق کراچی میں بھی آج رات سے تین اپریل کے دوران بارش متوقع ہے اور چند علاقوں میں 50 ملی میٹر یا زیادہ بارش ہوسکتی ہے۔
محکمہ موسمیات نے اپنی ویدر ایڈوائزری میں کہا کہ آج مغربی سسٹم بلوچستان کے جنوب مغربی جانب سے ملک میں داخل ہوگا، آج رات کراچی میں ہلکی بارش،پھوار،بونداباندی کا امکان ہے۔
اس کے مطابق کل شہر میں گرج چمک تیز ہواوں کے ساتھ بارش متوقع ہے، کراچی میں چندایک مقامات پر موسلادھاربارش ہوسکتی ہے۔
محکمہ موسمیات کا کہنا تھا کہ اس نظام کے زیر اثردیہی سندھ کےمختلف علاقوں میں بھی بارش کا امکان ہے، کراچی پر بارشوں کا سسٹم 4 اپریل تک برقراررہ سکتا ہے۔
دریں اثنا بدھ کو شہر کا مطلع بیشتر وقت جزوی ابرآلود رہا، زیادہ سے زیادہ درجہ حرارت 30.2 ڈگری سینٹی گریڈ ریکارڈ کیا گیا
اندرون سندھ بارش
محکمہ موسمیات کے مطابق دیہی سندھ کے شہروں جامشورو، دادو، لاڑکانہ، کشمور، جیکب آباد، قمبر شہداد کوٹ، خیرپور، نوشہرو فیروز، شہید بے نظیر آباد، سانگھڑ، حیدرآباد، ٹنڈوالہیار، ٹنڈومحمد خان، مٹیاری، ٹھٹھہ، بدین، تھرپاکر، عمرکوٹ میں وقفے وقفے سے گرج چمک اور آندھی کے ساتھ بارش کا امکان ہے۔
محکمہ موسمیات کا مزید کہنا ہے کہ تیز ہواؤں، ژالہ باری اور آسمانی بجلی گرنے کی وجہ سے کمزور املاک کو نقصان پہنچ سکتا ہے۔
