بالی ووڈ کے سپر اسٹار شاہ رخ خان نے مداحوں کو اپنی آنے والی فلم ’کنگ‘ کی پہلی جھلک دیتے ہوئے فلم کا ایک ڈائیلاگ سنا دیا۔
سوشل میڈیا پلیٹ فارم ایکس پر ہونے والے ’آسک ایس آر کے‘ سیشن کے دوران ایک مداح نے شاہ رخ خان سے ’کنگ‘ کا کوئی ڈائیلاگ سنانے کی درخواست کی۔
جواب میں 60 سالہ اداکار نے آڈیو پیغام کے ذریعے اپنی آواز میں فلم کا ڈائیلاگ سنایا اور بتایا کہ فلم 24 دسمبر کو ریلیز ہوگی۔
شاہ رخ خان نے مداحوں کی فرمائش پر ڈائیلاگ پہلی بار بولنے کا ذکر کرتے ہوئے محبت کا اظہار بھی کیا۔
فلم کی کہانی فی الحال راز میں رکھی گئی ہے تاہم شاہ رخ خان کے اس مختصر اشارے نے مداحوں میں فلم کے حوالے سے جوش مزید بڑھا دیا ہے۔
’کنگ‘ شاہ رخ خان کی اگلی بڑی تھیٹر ریلیز قرار دی جارہی ہے اور اس کے حوالے سے شائقین پہلے ہی خاصے پرجوش ہیں۔
