ایف بی آئی کی جانب سے مشکوک اے آئی یوزر کو فلیگ کیا گیا جو جان لیوا مواد پر ریسرچ کر رہا تھا جسکا الرٹ وزارت خارجہ کے ذریعے این سی سی آئی اے تک پہنچا.
این سی سی آئی اے لاہور سرکل نے فوری انکوائری درج کی اور ٹیم نے جدید ٹریسنگ اور نادرا کی مدد سے ملزم کی شناخت شایان علی اور لوکیشن بہاولپور ٹریس کی.
افسران بالا کی ہدایت پر سرچ وارنٹ کے ساتھ چھاپہ مارا گیا، ملزم کو حراست میں لے کر موبائل فون اور مشتبہ خطرناک کیمیکلز برآمد کر لیے گئے،ڈیوائس سے متعلقہ اے آئی ایپلی کیشن کے شواہد بھی مل گئے۔
ترجمان کا کہنا تھا کہ بروقت اطلاع، جدید ٹیکنالوجی اور پیشہ وارانہ کارروائی نے بڑا سانحہ ہونے سے بچا لیا، نیشنل سائبر کرائم انویسٹیگیشن ایجنسی شہریوں کے تحفظ کیلئے ہمہ وقت متحرک ہے کسی بھی سائبر جرم کی اطلاع 1799 پر دیں یا قریبی سرکل رپورٹ درج کروائیں.
