آسٹریلیا نے انگلینڈ کے خلاف آئندہ وائٹ بال سیریز کے لیے اپنے اسکواڈز کا اعلان کردیا ہے جس میں اسٹار فاسٹ بولرز پیٹ کمنز، جوش ہیزل ووڈ اور مچل اسٹارک کو شامل نہیں کیا گیا۔
تینوں بولرز جنوبی افریقا کے خلاف حالیہ ٹیسٹ سیریز کے تینوں میچز کھیل چکے ہیں جس میں آسٹریلیا کو 1-2 سے شکست کا سامنا کرنا پڑا تھا۔
انہیں 13 نومبر سے پرتھ میں شروع ہونے والی تین ون ڈے میچز کی سیریز کے لیے آرام دیا گیا ہے۔
پیٹ کمنز اور ہیزل ووڈ پانچ ٹی ٹوئنٹی میچز کی سیریز میں بھی حصہ نہیں لیں گے جو 21 نومبر سے شروع ہوگی جبکہ اسٹارک پہلے ہی ٹی ٹوئنٹی کرکٹ سے ریٹائرمنٹ لے چکے ہیں۔
21 سالہ فاسٹ بولر ماہلی بیئرڈمین کو دونوں فارمیٹس کے اسکواڈ میں جگہ دی گئی ہے اور وہ ون ڈے انٹرنیشنل میں ڈیبیو کرسکتے ہیں۔
ٹی ٹوئنٹی اسکواڈ میں وکٹ کیپرز سیم ہارپر اور لاچلان شا کو بھی پہلی مرتبہ شامل کیا گیا ہے۔
مچل مارش ون ڈے سیریز میں بھی آسٹریلوی ٹیم کی قیادت کریں گے جبکہ جیک ایڈورڈز دونوں اسکواڈز کا حصہ ہوں گے۔
