گوگل نے واٹس ایپ کو ویب سے منسلک کرنے والا راؤٹر متعارف کرادیا

براؤزر کے ذریعے واٹس ایپ تک رسائی سے آپ اپنے موبائل فون کی چیٹنگ کو اپنے پرسنل کمپیوٹر پر لاکر انجوائے کر سکتے ہیں، فوٹو:فائل

---

KARACHI: انٹرنیٹ اور وائی فائی کی رفتار اورواٹس ایپ تک رسائی اکثر صارفین کے لیے ذہنی پریشانی کا باعث بن جاتی ہے اور وہ اس کوشش میں رہتے ہیں کہ انہیں تیز رفتار براڈ بینڈ مل جائے تو اب ایسے صارفین خوش ہوجائیں کیوں کہ گوگل نے وائی فائی کی رفتار کو تیز کرنے والا اور موبائل سے واٹس ایپ کی کمپیوٹر تک رسائی کے لیے نیا راؤٹر متعارف کرا دیا ہے جس پر آپ اپنے پیاروں سے بغیر کسی سگنل کی خرابی کے جب تک چاہیں باتیں کریں۔

وائی فائی کے نئے راؤٹر کو ''آن ہب'' کا نام دیا گیا ہے جس کی سب سے اہم خوبی یہ ہے کہ اس کی بدولت آئی فون کے شوقین بھی اب ویب پر واٹس ایپ سے لطف اندوز ہوسکیں گے جب کہ پہلے یہ سہولت صرف بلیک بیری اور اینڈرائڈ موبائل پر ہی دستیاب تھی اور اب براؤزر کے ذریعے واٹس ایپ تک رسائی سے آپ اپنے موبائل فون کی چیٹنگ کو اپنے پرسنل کمپیوٹر پر لاکر انجوائے کر سکتے ہیں۔ اس سے قبل ایپل کی جانب سے یہ سہولت تو موجود تھی لیکن آئی فون استعمال کرنے والے اس سے محروم تھے لیکن اب اس نئے راؤٹر نے ان کی یہ مشکل حل کردی ہے۔

اس نئے راؤٹر کے استعمال کے لیے آپ واٹس ایپ کو اپنے آئی فون پر لانچ کریں اور سیٹنگ میں واٹس ایپ ویب پر چلے جائیں اس کے بعد کیو آر کوڈ کو ویب سائٹ پر اسکین کردیں اور اب آپ کے لیے کروم ویب براؤزر سے اپنی ہر قسم کی چیٹنگ تک رسائی آسانی ہوگئی۔ انفارمیشن ٹیکنالوجی کے ماہرین کا کہنا ہے کہ اس نئے اضافے سے واٹس ایپ کی مقبولیت میں اضافہ ہو جائے گا۔