شاہد آفریدی نے پاک بھارت میچ سے قبل عمران خان سے تعاون طلب کرلیا

عمران خان نے شاہد آفریدی کو کولکتہ میں میچ سے قبل گائیڈ کرنے کی یقین دہانی کرائی ہے۔ فوٹو؛ فائل

---

KARACHI: پاک بھارت ٹاکرے سے پہلے شاہد آفریدی نے سابق کپتان اور پاکستان تحریک انصاف کے چیئرمین عمران خان کو ٹیلیفون کرکے ان کا تعاون طلب کرلیا۔

پاکستان ٹی ٹوئنٹی ٹیم کے کپتان شاہد آفریدی نے سابق کرکٹر اور پی ٹی آئی کے چیئرمین عمران خان کو ٹیلیفون کیا جس میں شاہد آفریدی نے ٹی ٹونٹی ورلڈکپ میں اچھی پرفارمنس کے لیے مشورہ مانگا ہے۔ پاکستان تحریک انصاف کے ترجمان نعیم الحق کے مطابق شاہد آفریدی نے پاک بھارت میچ کے لیے سابق کپتان سے مشورہ مانگا جس پر عمران خان نے کولکتہ میں میچ سے قبل گائیڈ کرنے کی یقین دہانی کرا دی ہے۔

Shahid Afridi called IK to seek advice for the Pak- India match. IK has agreed to speak to the Pak team before the match in Calcutta.

— Naeem ul Haque (@naeemul_haque) March 11, 2016

عمران خان کی جانب سے میچ میں گائیڈ کی یقین دہانی کے بعد شاہد آفریدی کا سماجی رابطے کی سائٹ پر کہنا تھا کہ ورلڈ ٹی ٹونٹی میں شرکت سے قبل دونوں لیجنڈ کھلاڑی وسیم اکرم اور عمران خان ٹیم کے ساتھ وقت گزار کے ان کی حوصلہ افزائی کریں گے جس پر نہ صرف خوشی محسوس کررہاہوں کہ بلکہ دونوں لیجنڈز کی جانب سے پاکستان ٹیم کو وقت دینے پر شکر گزار ہوں۔

Pleased to anuce that @ImranKhanPTI&@wasimakramlive ve agreed 2 motivate team ahead of WT20 games.Thankful to two lgnds for their time 4Pak.

— Shahid Afridi (@SAfridiOfficial) March 11, 2016

دوسری جانب بھارتی میڈیا کا کہنا ہے کہ19 مارچ کو ہونے والے پاک بھارت میچ کے لیے سابق کرکٹر اور سیاستدان عمران خان کولکتا آئیں گے جہاں وہ میچ میں کمنٹری بھی کریں گے جس کے لیے عمران خان 18 مارچ کوبھارت پہنچیں گے۔