- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
- پٹرولیم ایکسپلوریشن اینڈ پروڈکشن کمپنیوں نے سبسڈی مانگ لی
- پاکستان کی سعودی سرمایہ کاروں کو 14 سے 50 فیصد تک منافع کی یقین دہانی
- مشرق وسطیٰ کی بگڑتی صورتحال، عالمی منڈی میں خام تیل 3 ڈالر بیرل تک مہنگا
- انٹرنیشنل کرکٹ میں واپسی پر محمد عامر کے ڈیبیو جیسے احساسات
- کُتا دُم کیوں ہلاتا ہے؟ سائنسدانوں کے نزدیک اب بھی ایک معمہ
- بھیڑوں میں آپس کی لڑائی روکنے کیلئے انوکھا طریقہ متعارف
- خواتین کو پیش آنے والے ماہواری کے عمومی مسائل، وجوہات اور علاج
- وزیر خزانہ کی چینی ہم منصب سے ملاقات، سی پیک کے دوسرے مرحلے میں تیزی لانے پر اتفاق
- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
بھارتی گلوکار ارجیت سنگھ کو سلمان خان کی ناراضگی مہنگی پڑ گئی
ممبئی: سلمان خان بالی ووڈ کے وہ ستارے ہیں جو عام لوگوں کو بھی سپر اسٹار بنادیتے ہیں اور اگر وہ کسی سے ناراض ہوجائیں تو پھر فلم نگری میں اس کا کوئی دوست نہیں رہتا اور ایسا ہی ہوا ہے گلوکار ارجیت سنگھ کے ساتھ جنہوں نے ایک محفل میں دبنگ خان کے بارے میں کچھ کہہ دیا جس پر وہ ناراض ہوگئے اور اب ارجیت کو معافیاں مانگنا پڑ رہی ہیں۔
گلوکار ارجیت سنگھ کو آج کل بالی ووڈ کا سب سے مقبول گلوکار تصور کیا جاتا ہے لیکن ایسا لگتا ہے کہ اب بھارتی فلم نگری میں انہیں کام ملنا بہت مشکل ہوجائے گا کیونکہ انہوں نے سلمان خان کی ناراضگی جو مول لے لی ہے۔ ہوا کچھ یوں کہ ارجیت سنگھ نے کچھ روز قبل ایک محفل میں سلمان خان سے متعلق ایسی باتیں کہہ دیں جو سلو میاں کو بُری لگ گئیں۔
سلو میاں کو ارجیت سنگھ پر اس قدر غصہ آیا کہ انہوں نے فلم سلطان کے پروڈیوسر سے ان کی آواز میں ریکارڈ کرایا گیا گانا نکالنے کا مطالبہ کرڈالا، اب بالی ووڈ کا کون سا ایسا پروڈیوسر ہوگا جو سلمان خان کی بات رد کردے، اسی بات سے ارجیت سنگھ پریشان ہوگئے ہیں کیونکہ سلطان کا شائقین کو بے چینی سے انتظار ہے اور اس فلم کے بارے میں کہا جا رہا ہے کہ یہ سال کی کامیاب ترین فلم ہوگی۔ اتنی بڑی فلم اور سلمان خان کے لیے پہلی دفعہ گانے کا موقع ارجیت سنگھ کے ہاتھ سے نکلنا ارجیت کے لیے انتہائی پریشانی کا باعث ہے۔
ارجیت کو جب اپنی غلطی کا احساس ہوا تو انہوں نے ہر طرح سے سلمان خان سے رابطے کی کوشش کی لیکن انہیں کوئی کامیابی نہیں ملی ۔ ہر راستہ بند دیکھ کر ارجیت نے سوشل میڈیا کا سہارا لیا اور فیس بک پر اپنے آفیشل پیج پر لمبا چوڑا معافی نامہ لکھ ڈالا۔ جس میں انہوں نے وضاحت کی ہے کہ ان کا مقصد قطعی طور پر سلمان خان کی توہین کرنا نہیں تھا بلکہ وہ تو بھائی جان کے بارے میں کچھ غلط کہنے کا سوچ بھی نہیں سکتے۔ ارجیت نے التجائی انداز میں سلمان خان سے درخواست کرتے ہوئے لکھا ہے کہ آپ کے لیے گانا میرا خواب تھا جو اب پورا ہونے جا رہا تھا۔ آپ بے شک یہ گانا گانے کا موقع کسی اور کو دے دیں لیکن میرے گانے کا مختلف ورژن ضرور فلم میں شامل رکھیں۔ بہرحال آپ کا جو بھی فیصلہ ہو میں اور میرا خاندان ہمیشہ سے آپ کا فین تھا اور رہے گا۔
سلمان خان تک ارجیت کا معافی نامہ تو پہنچ چکا ہوگا لیکن سلو میاں کی ناراضگی جلدی ختم نہیں ہوتی۔ اس لئے آنے والا وقت ہی بتائے گا کہ ارجیت کی معافی قبول بھی ہوئی یا نہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔