منفرد کردارادا کرنا زیادہ اہم ہے اچھی شکل و صورت میری اضافی خصوصیت ہے فواد خان

اداکار فلم "اے دل ہے مشکل"، "مولا جٹ ٹو" اور"ایم ایس دھونی دی ان ٹولڈ اسٹوری میں" بھی اداکاری کے جوہر دکھائیں گے :فوٹو:فائل

---

KARACHI: اپنی اداکاری سے بالی ووڈ میں کامیابی کے جھنڈے گاڑھنے والے پاکستانی اداکار فواد خان کہتے ہیں کہ ان کے لئے اپنی اچھی شکل و صورت اورجاذب نظر ہونے سے زیادہ اہم منفرد کرداروں کی ادائیگی ہے۔

بھارتی میڈیا رپورٹس کے مطابق بالی ووڈ نگری میں کم وقت میں اپنا نام بنانے والے پاکستانی اداکارفوارخان سے جب ان کی خوبصورتی کے حوالے سے پوچھا گیا توانہوں نے جواب دیا کہ ان کی نظرمیں خوبصورتی کی اتنی اہمیت کی حامل نہیں بلکہ وہ تو انسان میں ایک اضافی چیز کے زمرے میں آتی ہے۔

یہ بھی پڑھیں: پاکستانی اداکار فواد خان نے شاہ رخ اور سلمان کو پیچھے چھوڑ دیا

اداکارکا کہنا تھا کہ جب مداحوں کی جانب سے ان کی خوبصورتی کی تعریف کی جاتی ہے تو وہ بورنہیں ہوتے تاہم ان کی نظر میں مختلف اور بہترین کردارکرنا بہت اہم ہے جس کے باعث وہ اپنے مداحوں کو محظوظ کرتے ہیں اورخود کوبھی انڈسٹری میں اچھے کردارنبھانے والے ایک پروفیشنل اداکارسمجھتے ہیں۔

یہ بھی پڑھیں: پاکستانی اداکار فواد خان بھارت کے سب سے بڑے آئیفا ایوارڈ کی میزبانی کریں گے

واضح رہے کہ اداکاراپنی نئی آنے والی فلم اے دل ہے مشکل کی شوٹنگ میں مصروف ہیں جب کہ وہ فلم مولا جٹ ٹو اور ایم ایس دھونی دی ان ٹولڈ اسٹوری میں بھی اداکاری کے جوہر دکھائیں گے۔

یہ بھی پڑھیں: بھارت میں فواد خان فیسٹیول کا انعقاد کیا جائے گا