کرینہ کپور کی ماں بننے کے بعد شوبز کی دنیا میں واپسی

ویب ڈیسک  پير 6 فروری 2017
کرینہ نے بچے کی پیدائش کے صرف 46 دن بعد ہی ’’انیتا ڈونگرے‘‘ کے فیشن ویک کے فائنل میں بطور شو اسٹاپر شرکت کی - فوٹو: ٹائمز آف انڈیا

کرینہ نے بچے کی پیدائش کے صرف 46 دن بعد ہی ’’انیتا ڈونگرے‘‘ کے فیشن ویک کے فائنل میں بطور شو اسٹاپر شرکت کی - فوٹو: ٹائمز آف انڈیا

شوبز: کرینہ کپور نے ماں بننے کے  صرف 46 دن بعد ہی شوبز کی دنیا میں دوبارہ قدم رکھ دیا اوراداکارہ  ایک فیشن شو میں ریمپ پر واک کرتے ہوئے دکھائی دیں۔

اس خبر کو بھی پڑھیں؛ کرینہ کپوراور سیف علی خان کے ہاں ننھے مہمان کی آمد

بالی ووڈ کی صف اول کی اداکارہ کرینہ کپور نے متعدد بلاک بسٹر فلموں میں اداکاری کے جوہر دکھائے جب کہ اداکارہ نے 2012 میں ادکار سیف علی خان سے شادی کی اور حال ہی میں ایک بچے کو جنم دیا لیکن اس دوران انہوں نے فلم انڈسٹری سے کنارہ کشی اختیار نہیں کی اور اپنا  کیریئر جاری رکھا، دوران حمل بھی ادکارہ نے مختلف فیشن شو میں ریمپ پر واک کرکے سب کو حیران کیا۔

ایک انٹرویو میں کرینہ کپور نے کہا تھا کہ وہ بچے کی پیدائش کے باوجود بالی ووڈ سے چھٹیاں نہیں لیں گی اور فلمی کیریئر جاری رکھیں گی جب کہ اب انہوں نے بچے کی پیدائش کے صرف 46 دن بعد ہی ’’انیتا ڈونگرے‘‘ کے فیشن ویک کے فائنل میں بطور شو اسٹاپر شرکت کی جس میں وہ گولڈ اینڈ وائٹ ڈریس میں ریمپ پر واک کرتے ہوئے دکھائی دیں۔

اس خبر کو بھی پڑھیں؛  کرینہ کپور کی حاملہ ہونے کے باوجود ریمپ پر واک

تقریب کے بعد ایک انٹرویو میں کرینہ کا کہنا تھا کہ صرف 46 دن بعد ہی کام کرنا مجھے بہت اچھا لگ رہا ہے، دراصل میرا مقصد صرف کام کرنا ہے جو میرے ڈی این اے میں شامل ہے اور میری زندگی کا حصہ بن چکا ہے جو کبھی تبدیل نہیں ہوسکتا۔ انہوں نے کہا کہ یہ تقریب بھارتی خواتین کی آزادی کے لیے بے حد متاثر کن ہے کہ وہ کام کرتی رہیں۔ تقریب میں جوہی چاولہ، لارا دتا، شبانہ اعظمی اور پوچا ہیکڈے نے بھی شرکت کی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔