- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
پاکستان میں انٹرنیشنل کرکٹ کے دروازے کھل گئے
لندن: پی ایس ایل فائنل کے لاہور میں انعقاد کے فوری بعد ملک میں انٹرنیشنل کرکٹ کی واپسی کی امیدیں روشن ہونے لگیں اور انٹرنیشنل کرکٹ کونسل نے ورلڈ الیون پاکستان بھیجنے کی منصوبہ بندی شروع کردی جس کی تصدیق پاکستان سپر لیگ کے چیرمین نجم سیٹھی کی جانب سے بھی کردی گئی ہے۔
برطانوی اخبار کے مطابق لاہور کے قذافی اسٹیڈیم میں منعقد ہونے والی ان 4 میچوں کی سیریز کو پاکستان کے قیام کی 70 ویں سالگرہ کے حوالے سے ’’آزادی کپ‘‘ کا نام دیا جائے گا اس سیریز کا مقصد 8 برس سے انٹرنیشنل کرکٹ سے محروم ملک میں ٹاپ لیول گیم کی واپسی کا سلسلہ جاری رکھنا ہے تاہم ابھی یہ فیصلہ نہیں ہوا ہے کہ ورلڈ الیون میں کون سے پلیئرز شامل ہوں گے لیکن پی ایس ایل فائنل میں غیرملکی کھلاڑیوں کی موجودگی سے مزید پلیئرز کو حوصلہ مل سکتا ہے۔
اس خبر کو بھی پڑھیں: آئی سی سی ٹاسک فورس کے سربراہ کا چیرمین پی سی بی کو خط
انگلینڈ اینڈ بیلز کرکٹ بورڈ کے صدر اور آئی سی سی کی پاکستان ٹاسک فورس کے سربراہ جائلز کلارک پاکستان میں کرکٹ کی بحالی کے لیے مختلف راستوں پر غور کررہے ہیں۔ ان کا کہنا ہےکہ ہمارا مقصد پاکستان کے شائقین کو اپنی آنکھوں کے سامنے دنیا کے بہترین کرکٹرز کو ایکشن میں دیکھنے کا موقع فراہم کرنا ہے، دنیائے کرکٹ کو پاکستان کی مدد کرنے کی ضرورت ہے، پاکستان کے نوجوانوں کو تحریک درکار ہے اور قومی ٹیموں کو اپنے ہوم گراؤنڈ پر کھیلنے کی ضرورت ہے اور ان سب سے بڑھ کر دہشت گرد کسی صورت نہیں جیت سکتے، پاکستان میں کرکٹ کو پسپا نہیں ہونا چاہیے۔
اس خبر کو بھی پڑھیں: بین الاقوامی میڈیا میں پی ایس ایل فائنل کے کامیاب انعقاد کی دھوم
آئی سی سی کے مجوزہ پروگرام کے تحت ورلڈ الیون سیریز اوورسیز ٹیم کی تشکیل 17 ستمبر کو دبئی میں ہوگی جس کے بعد وہ لاہور روانہ ہوگی جہاں پر22، 23، 28 اور 29 ستمبر کو ٹوئنٹی 20 میچز کھیلے جائیں گے۔ اس موقع پر پاکستان سپر لیگ فائنل جیسے ہی سیکیورٹی انتظامات کیے جائیں گے اور ان انتظامات کو آئی سی سی کا وفد بھی دیکھ چکا ہے جب کہ انتظامات دیکھنے والوں میں انگلش بورڈ کے سیکیورٹی ڈائریکٹر ریگ ڈکسن بھی شامل تھے۔
Ab Bolo! PSL Lahore has opened the door to return of international cricket. ICC 11 will play four t20 matches in Lahore in Sept. Hooray!
— Najam Sethi (@najamsethi) March 6, 2017
دوسری جانب پاکستان سپر لیگ کے چیرمین نجم سیٹھی نے بھی سماجی رابطے کی ویب سائٹ پر ٹوئٹ کرکے ورلڈ الیون کے ستمبر میں دورہ پاکستان کی تصدیق کردی ہے۔
واضح رہے کہ پاکستان سپر لیگ کے لاہور میں کھیلے گئے فائنل میں انگلینڈ کے کرس جورڈن اور مڈل سیکس کے بیٹسمین ڈیوڈ میلان، ویسٹ انڈیز کے سابق کپتان ڈیرن سیمی سمیت دیگر غیر ملکی کھلاڑیوں نے شرکت کی تھی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔