افغانستان نے پاکستان کے ساتھ کرکٹ سیریز منسوخ کر دی

پاکستان کے ساتھ کرکٹ کے حوالے سے فیصلہ قومی مفاد کو مدنظر رکھتے ہوئے کیا جائے گا، چیرمین افغان کرکٹ بورڈ. فوٹو: فائل

---

افغان کرکٹ بورڈ نے کابل میں خودکش حملے کے بعد پاکستان کے ساتھ مجوزہ دوستانہ کرکٹ سیریز منسوخ کرنے کا اعلان کر دیا ہے۔

افغان کرکٹ بورڈ کے چیئرمین عاطف مشعل نے پریس کانفرنس میں کہا کہ پاکستان نے افغان کرکٹ ٹیم کو اپنی سرزمین پر کھیلنے کی دعوت دی تھی لیکن پاکستان جانے سے متعلق تاحال کوئی فیصلہ نہیں کیا گیا، پاکستان کے ساتھ کرکٹ کے حوالے سے فیصلہ قومی مفاد کو مدنظر رکھتے ہوئے کیا جائے گا۔

افغانستان کرکٹ بورڈ نے ٹوئٹر پر "کابل بلاسٹ" کے ہیش ٹیگ کے ساتھ سیریز کی منسوخی کا بتایا ہے، ٹوئٹ میں کہا گیا ہے کہ "پاکستان اور افغانستان نے دوستانہ کرکٹ میچز کے انعقاد پر رضامندی ظاہر کی تھی، اسے اب منسوخ کر دیا گیا ہے۔"

@ACBofficials cancells friendly matches including initially agreed terms of mutual cricketing relationship with @TheRealPCB#kabulblast

— Afghanistan Cricket Board (@ACBofficials) May 31, 2017