پاکستان کی حیران کن کارکردگی نے ویرات کوہلی کوپریشان کردیا

بھارتی ٹیم کے کپتان ویرات کوہلی نے لندن میں پریس کانفرنس کرتے ہوئے کہا کہ ہم اعدادوشماریا جو کچھ پہلے ہوااس پریقین نہیں رکھتے، فائنل میں جو بھی ٹیم اچھا کھیلی وہی کامیاب ہوگی۔ بحیثیت ٹیم ہمارا مقصد یہی ہوتا ہے کہ فتح کیلیے کھیلیں۔ ایک سوال پر انہوں نے کہا کہ چند ٹیمیں اچھا آغاز کرتی ہیں لیکن بعد میں بہتر نہیں کھیل پاتیں جب کہ چند خراب کارکردگی کے بعد کم بیک کرتی ہیں، پاکستان نے ایسا ہی کیا۔

اس خبر کو بھی پڑھیں :پاکستان نے فائنل میں بھارت کے خلاف جارحانہ کرکٹ پلان بنالیا

بھارتی کپتان کا کہنا تھا کہ ہر کوئی جانتا ہے کہ پاکستان کی ٹیم میں کئی ایسے باصلاحیت کھلاڑی ہیں کہ ان کا دن اچھا ہوتو دنیا کی کسی بھی ٹیم کوہراسکتے ہیں۔ کوہلی نے فائنل میچ کیلیے اپنی ٹیم میں کوئی تبدیلی نہ کرنے کا عندیہ دیتے ہوئے کہا کہ ہردیک پانڈیا بہترین بولر، جارح مزاج بیٹسمین اور عمدہ فیلڈر ہیں، ان کی وجہ سے ٹیم متوازن ہے۔