مسجد اقصیٰ کے صحن میں اسرائیلی فوج سے جھڑپ کے دوران 3 فلسطینی شہید

ویب ڈیسک  جمعـء 14 جولائی 2017
اسرائیلی فوج نے القدس شہر کے پرانے حصے کی مکمل ناکا بندی کر کے اسے دوسرے حصوں سے عملاً کاٹ دیا۔ فوٹو: اے ایف پی

اسرائیلی فوج نے القدس شہر کے پرانے حصے کی مکمل ناکا بندی کر کے اسے دوسرے حصوں سے عملاً کاٹ دیا۔ فوٹو: اے ایف پی

مقبوضہ یروشلم: مسجد اقصیٰ کے صحن میں اسرائیلی فوج سے جھڑپ کے دوران 3 فلسطینی شہید ہوگئے جب کہ واقعے کے بعد صیہونی فوج نے قبلہ اول کو بند کردیا ۔

عرب ویب سائیٹ کے مطابق القدس میں جمعے کی صبح 3 فلسطینیوں نے اسرائیلی پولیس اہلکاروں پر فائرنگ کی جس سے تین افراد زخمی ہو گئے۔ جس کے بعد مسلح فلسطینی مسجد اقصی کے صحن کی جانب نکلے جہاں ان کی پولیس اہلکاروں سے دوبارہ جھڑپ ہوئی، فائرنگ کے تبادلے میں تینوں نوجوان شہید ہوگئے۔

واقعے کے فوری بعد قابض اسرائیلی فوج نے مسجد اقصی کی تالا بندی کر دی ہے اور القدس شہر کے پرانے حصے کی مکمل ناکا بندی کر کے اسے دوسرے حصوں سے عملاً کاٹ دیا۔

واضح رہے کہ قابض اسرائیلی فوجیوں کے ظلم سے تنگ فلسطینی نوجوانوں کی جانب سے انفرادی حملے بڑھتے جارہے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔