- پاکستان آئی ایم ایف سے مزید 8 ارب ڈالر کے بیل آؤٹ پیکج کا خواہاں ہے، وزیرخزانہ
- قومی کرکٹر اعظم خان نیوزی لینڈ کیخلاف ٹی ٹوئنٹی سیریز سے باہر
- اسلام آباد: لڑکی کا چلتی کار میں فائرنگ سے قتل، باہر پھینک دیا گیا
- کراچی؛ پیپلز پارٹی نے سول ہسپتال کے توسیعی منصوبے کا عندیہ دےدیا
- کچے میں ڈاکوؤں کو اسلحہ کون دیتا ہے؟، سندھ پولیس نے تحقیقات کا آغاز کردیا
- ڈاکٹروں نے بشریٰ بی بی کی ٹیسٹ رپورٹس نارمل قرار دے دیں
- دوسرا ٹی ٹوئنٹی: نیوزی لینڈ کی پاکستان کیخلاف بیٹنگ جاری
- جعلی حکومت کو اقتدار میں رہنے نہیں دیں گے، مولانا فضل الرحمان
- ضمنی انتخابات میں پاک فوج اور سول آرمڈ فورسز کو تعینات کرنے کی منظوری
- خیبرپختوا میں گھر کی چھت گرنے کے واقعات میں دو بچیوں سمیت 5 افراد زخمی
- درجہ بندی کرنے کیلئے یوٹیوبر نے تمام امریکی ایئرلائنز کا سفر کرڈالا
- امریکی طبی اداروں میں نسلی امتیازی سلوک عام ہوتا جارہا ہے، رپورٹ
- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
خواجہ آصف کی ٹلرسن سے ملاقات، پاک امریکا تعلقات اور خطے کی صورتحال پر تبادلہ خیال
واشنگٹن: وزیر خارجہ خواجہ آصف نے واشنگٹن میں اپنے امریکی ہم منصب ریکس ٹلرسن سے اہم ملاقات کی۔
ایکسپریس نیوز کے مطابق خواجہ آصف اور امریکی وزیر خارجہ ریکس ٹلرسن کے درمیان ہونے والی ملاقات میں پاک امریکا تعلقات اور خطے کی صورتحال پر تبادلہ خیال کیا گیا۔ واشنگٹن میں پاکستانی سفارتخانے کی جانب سے جاری بیان کے مطابق امریکی وزیرخارجہ سے ملاقات میں خواجہ آصف نے دہشت گردی کے خلاف جنگ میں پاکستان کی قربانیوں سے آگاہ کیا۔ خواجہ آصف نے کہا کہ دہشت گردی کیخلاف جنگ میں پاکستان نےبھاری جانی ومالی نقصان اٹھایا، پاکستان امریکا کےساتھ وسیع بنیادوں پرتعلقات چاہتا ہے۔
خواجہ آصف نے امریکی وزیرخارجہ کو بتایا کہ پاکستان دہشت گردی کے خلاف اپنی جنگ جیت رہا ہے۔ دیگر ممالک کے برعکس پاکستان میں دہشت گردی کے واقعات میں نمایاں کمی واقع ہوئی ہے اور اس کے معیشت پر مثبت اثرات مرتب ہورہے ہیں۔ انہوں نے واضح کیا کہ یہ اس لیے ممکن ہوا کیوں کہ پاکستان نے دہشت گرد گروپس کے خلاف بلاتفریق کارروائی کی اور دہشت گردی کے خلاف عدم برداشت کی پالیسی پر عمل کیا۔
پاکستانی وزیرخارجہ نے امریکا پر زور دیا کہ وہ مقبوضہ کشمیرمیں بھارتی فوج کی جانب سے انسانی حقوق کی پامالیوں کا نوٹس لے۔ مسئلہ کشمیر حل کیے بغیر جنوبی ایشیا میں دیرپا امن کا مقصد پورا نہیں ہوسکتا۔ خواجہ آصف نے ریکس ٹلرسن کو دورہ پاکستان کی دعوت بھی دی جو انہوں نے قبول کی اور جلد دورہ پاکستان کی یقین دہانی کرائی۔
امریکی محکمہ خارجہ کی جانب سے ریکس ٹلرسن اور خواجہ آصف کے درمیان ہونے والی ملاقات کے حوالے سے ویڈیو بھی جاری کی گئی ہے جس میں امریکی وزیرخارجہ پاکستانی وزیرخارجہ خواجہ آصف کو خوش آمدید کہہ رہے ہیں۔
This morning, Secretary Tillerson welcomed #Pakistan’s Foreign Minister @KhawajaMAsif to the @StateDept. pic.twitter.com/nYiz91kcBO
— Department of State (@StateDept) October 4, 2017
ذرائع کے مطابق خواجہ آصف سے ملاقات میں امریکی محکمہ خارجہ ریکس ٹلرسن نے کہا کہ پاکستانی حکومت اور تمام اداروں سے اچھے تعلقات چاہتے ہیں اور پاکستان میں استحکام کے خواہاں ہیں۔ امریکی وزیر خارجہ نے اس بات کا اعتراف کیا کہ خطے میں دیرپا امن کے لیے پاکستان کا کردار اہم ہے۔
امریکی وزیر خارجہ کا مزید کہنا تھا کہ پاکستان کے ساتھ مختلف شعبوں میں مضبوط تعلقات ہیں، پاکستانی وزیرخارجہ خواجہ آصف کو امریکا میں خوش آمدید کہتے ہیں، شمالی کوریا کے معاملے پر مسلمان ممالک کا تعاون چاہتے ہیں۔
Secretary of State Rex Tillerson comments on the important role of #Pakistan in the region. pic.twitter.com/jCCXibeO2A
— Department of State (@StateDept) October 4, 2017
بعد ازاں میڈیا کو بریفنگ دیتے ہوئے امریکی وزیر خارجہ ریکس ٹلرسن نے امریکی صدر ڈونلڈ ٹرمپ سے اختلافات اور مستعفی ہونے کی خبروں کو جعلی قرار دیتے ہوئے مسترد کیا۔ پاکستان کے حوالے سے پوچھے گئے ایک سوال کے جواب میں ٹلرسن نے کہا کہ پاکستان اور امریکا کے درمیان تعلقات خطے کے لیے انتہائی اہم ہیں۔
انہوں نے کہا کہ میں یہ بات محض افغانستان کے تناظر میں نہیں بلکہ پورے خطے کو مدنظر رکھ کر کررہا ہوں، پاکستان میں طویل المدتی استحکام انتہائی اہم ہے، پاکستانی حکومت کے مستقبل کے حوالے سے ہمیں خدشات ہیں، ہم چاہتے ہیں کہ پاکستان میں حکومت مستحکم ہو، وہاں امن ہو۔
ریکس ٹلرسن نے یہ بھی کہا کہ پاکستان داخلی طور پر بہت سے ایسے مسائل سے بھی نبردآزما ہے جو امریکا کے بھی مسائل ہیں، لہٰذا میں سمجھتا ہوں کہ ہمارے پاس یہ موقع ہے کہ ہم پاکستان کے ساتھ اپنے تعلقات کو مزید مضبوط کریں۔ انہوں نے کہا کہ ہم آنے والے دنوں میں پاکستان کے ساتھ ہرسطح پر تعلقات کو بہتر کرنے کی کوشش کریں گے جس میں محکمہ خارجہ، دفاع، انٹیلی جنس، معیشت اور تجارت شامل ہیں۔
ریکس ٹلرسن نے کہا کہ جنوبی ایشیا اور خاص طور پر افغانستان کے حوالے سے ہماری حکمت عملی بنیادی طور پر یہ ہے کہ ہم پاکستان اور بھارت کے ساتھ تعلقات کو مزید استوار کریں تاکہ دہشت گردی سے نمٹنے اور عوام کو تحفظ فراہم کرنے میں افغان حکومت کی مدد کی جاسکے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔