بھارت میں پولیس کو 425 روپے کی چپل چُرانے والے کی تلاش

حیران کن طور پر پولیس نے مقدمہ درج کرکے چپل چور کی تلاش بھی شروع کردی ہے۔ فوٹو : فائل

---

KARACHI: بھارتی شہری نے 425 روپے کی چپل گھر کے باہر سے چوری ہونے پر تھانے میں رپورٹ درج کرادی جب کہ پولیس نے چپل کی تلاش بھی شروع کردی ہے۔

بھارتی میڈیا کے مطابق بھارتی شہر پونے کا رہائشی وشال کلیکار 3 اکتوبر کو گھر کے قریبی پولیس اسٹیشن پہنچا جہاں اس نے پولیس کو گھر کے باہر سے 425 روپے مالیت کی چپل کھو جانے کے بارے میں بتایا اور کہا کہ چپل چوری ہونے کا مقدمہ درج کیا جائے، پولیس نے وشال سے ساری تفصیلات درج کرنے کے بعد چپل چوری ہونے کا مقدمہ درج کرلیا۔

بھارتی پولیس کے مطابق چپل چوری کا مقدمہ درج کرلیا گیا ہے تاہم اس حوالے سے کوئی گرفتاری عمل میں نہیں آئی جب کہ وشال نے ایف آئی آر میں بتایا کہ جس دن چپل گم ہوئی اس دن چند نامعلوم افراد اس کی بلڈنگ میں آئے تھے اور انہوں نے ہی اس کی چپل چوری کی ہے۔