ملیحہ لودھی کی صدر سلامتی کونسل سے ملاقات، کشمیر کی صورتحال سے آگاہ کیا

ویب ڈیسک  بدھ 7 اگست 2019
ملیحہ لودھی نے سلامتی کونسل کی صدر کوبھارتی اقدام سے علاقائی امن و سلامتی کو لاحق خطرات سے آگاہ کیا، فوٹوٹوئٹر

ملیحہ لودھی نے سلامتی کونسل کی صدر کوبھارتی اقدام سے علاقائی امن و سلامتی کو لاحق خطرات سے آگاہ کیا، فوٹوٹوئٹر

نیویارک: اقوام متحدہ میں پاکستان کی مستقل مندوب ڈاکٹر ملیحہ لودھی نے سلامتی کونسل کی صدر کو بھارت کی جانب سے مقبوضہ کشمیر میں سلامتی کونسل کی قراردادوں کی خلاف ورزی سے آگاہ کیا۔

ڈاکٹر ملیحہ لودھی نے سلامتی کونسل کی صدرجوانا رونیکا سے ملاقات کی اور انہیں بھارتی اقدامات کے باعث خطے کے امن و سلامتی کو لاحق خطرات سے آگاہ کیا۔

ملیحہ لودھی نے کہا کہ بھارت کےغیرقانونی اقدامات نے خطے کا امن خطرے میں ڈال دیا، سلامتی کونسل خطے کےامن کودرپیش خطرات سےنمٹنےکے لیے اقدامات کرے۔

ملیحہ لودھی نے کہا کہ کشمیرپربھارت کاقبضہ ختم کرانا سلامتی کونسل کی ذمےداری ہے اور اقوام متحدہ نے کشمیری عوام کےحق خود ارادیت کوتسلیم کررکھاہے لیکن بھارت سلامتی کونسل کی قراردادوں کی خلاف ورزیوں کا مرتکب ہورہا ہے۔

ڈاکٹر ملیحہ لودھی نے جوانا رونیکا کو بھارتی اقدامات کے باعث خطےکےامن پر پڑنے والے خطرناک اثرات  پرپاکستانی موقف سےآگاہ کرتے ہوئے کہا بھارت طاقت کے زور پراوریکطرفہ قانون سازی سے زمینی حقائق تبدیل نہیں کرسکتا، بھارتی اقدامات سلامتی کونسل کی قراردادوں اورعالمی قوانین کی خلاف ورزی ہیں، قراردادوں پرعملدرآمد کرانا سلامتی کونسل اورعالمی برادری کی ذمےداری ہے، پاکستان کشمیرکی سیاسی اورسفارتی حمایت ہمیشہ جاری رکھےگا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔