- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
لاہور: توہین رسالت کا مبینہ الزام، مسیحی برادری کے 178 گھر جلادیئے گئے
لاہور: بادامی باغ کے علاقے لوہا بازار میں مبینہ طور پر توہین رسالت پر مشتعل افراد نے مسیحی برادری 178 گھروں اور املاک کو نذر آتش کردیا۔
لاہور کے تھانہ بادامی باغ میں واقع لوہا مارکیٹ کی جوزف کالونی میں توہین رسالت کے مبینہ الزام پر سیکنڑوں مشتعل افراد نے علاقے کا گھیراؤ کرکے مسیحی برادری کے 178 مکانات، درجنوں رکشا و موٹرسائیکلیں اور دیگر املاک کو آگ لگادی۔ مشتعل ہجوم کو منتشر کرنے کے لئے کئے گئے اقدامات پر نامعلوم افراد نے پولیس پر بھی حملہ کیا جس کے نتیجے میں ایس ایس پی آپریشنز سہیل سکھیرا سمیت کئی اہلکار زخمی ہوگئے، جس کے بعد پولیس کی جانب سے مشتعل افراد کو روکنے کے لئے کسی بھی قسم کی کارروائی سے گریز کیا گیا۔
پولیس نے توہین رسالت کے مبینہ الزام پرجوزف کالونی کے مکین ساون مسیح کے خلاف مقدمہ درج کرکے اسے نامعلوم مقام پر منتقل کردیا ہے۔
واضح رہے کہ گزشتہ روز بھی مشتعل افراد نے مسیحی برادری کے گھروں کو آگ لگانے کی کوشش کی تھی جس کے بعد علاقے میں رہائش پزیر مسیحی اپنے گھر بار چھوڑ کر نامعلوم مقامات پر منتقل ہوگئے تھے۔
ایکسپریس نیوزسے بات کرتے ہوئے وزیر قانون پنجاب رانا ثنا اللہ نے بادامی باغ واقعے کی ذمہ داری قبول کرتے ہوئے متاثرین کے نقصانات کے ازالے اور جلاؤ گھیراؤ میں ملوث افراد کے خلاف قانونی کارروائی کی یقین دہانی کرائی۔ ان کا کہنا تھا کہ بادامی باغ واقعے کی جس قدرر مذمت کی جائے کم ہے، اس سلسلے میں صاف اورشفاف تحقیقات کرکے ملوث عناصر کو قانون کے کٹہرے میں لایا جائے گا ۔
پنجاب اسمبلی میں قائد حزب اختلاف راجا ریاض نے ایکسپریس نیوز سے بات کرتے ہوئے بادامی باغ میں پیش آنے والے واقعے کو پنجاب حکومت اور پولیس کی مکمل ناکامی قرار دیا ۔ ان کا کہنا تھا کہ جلاؤ گھیراؤ کے کسی بھی واقعے سے قبل پولیس کی اسپیشل برانچ کو اطلاع ہوتی ہے لیکن بادامی باغ میں 100 سے زائد گھروں کو نذر آتش ہونے سے بچانے کے لئے کوئی کارروائی ہی نہیں کی گئی جو کہ پنجاب حکومت کی مجرمانہ غفلت اور ناکامی کا منہ بولتا ثبوت ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔