مزید 2 ارکان پنجاب اسمبلی پی ٹی آئی کے قافلے میں شامل

پی پی 126 سے مولانا معاویہ اعظم اور پی پی 125 سے کامیاب فیصل حیات پی ٹی آئی میں شامل

ویب ڈیسک منگل 31 جولائی 2018

پی پی 126 سے مولانا معاویہ اعظم اور پی پی 125 نے کامیاب ہونے والے فیصل حیات نے پی ٹی آئی میں شمولیت اختیارکی۔ ۔ فوٹو:فائل

لاہور: نومنتخب رکن پنجاب اسمبلی معاویہ اعظم اور فیصل حیات جبوانہ تحریک انصاف میں شامل ہوگئے ہیں۔

ایکسپریس نیوز کے مطابق مزید 2 نومنتخب رکن صوبائی اسمبلی تحریک انصاف میں شامل ہوگئے ہیں۔ جھنگ کے حلقہ پی پی 126 سے بحیثیت آزاد امیدوار کامیاب ہونے والے مولانا معاویہ اعظم اور پی پی 125 سے کامیاب ہونے والے فیصل حیات جبوانہ نے تحریک انصاف کے چیئرمین عمران خان سے بنی گالہ میں ملاقات کی اور قیادت پر اعتماد کرتے ہوئے پی ٹی آئی میں باقاعدہ شمولیت کا اعلان کیا۔

اس خبرکوبھی پڑھیں: پی ٹی آئی کا مطلوبہ نشستیں حاصل کرنے کا اعلان