قوم یاسر شاہ کی جانب سے 100 سالہ ریکارڈ توڑنے کی منتظر ہے فواد چوہدری

یہ پاکستانی کرکٹ اور یاسر دونوں کیلئے ایک سنگ میل ہے، فواد چوہدری کا ٹوئٹ فوٹوفائل

---

LONDON: وفاقی وزیراطلاعات فواد چوہدری نےقومی ٹیم کے لیگ اسپنر یاسر شاہ کی کارکردگی کو سراہتے ہوئے کہا ہے کہ پوری قوم یاسر شاہ کے ریکارڈ کا انتظار کررہی ہے۔

وفاقی وزیر اطلاعات فواد چوہدری نے ٹوئٹ کیا ہے کہ 'ویسے تو تمام ریکارڈ ہی اہم ہوتے ہیں مگرجب سوسال پرانا ریکارڈ ٹوٹے تو کیا ہی بات ہے'۔ انہوں نے مزید لکھا 'پوری قوم یاسر شاہ کے ریکارڈ کا انتظار کررہی ہے یہ پاکستانی کرکٹ اور یاسر دونوں کے لیے ایک سنگ میل ہے۔'

ویسے تو تمام ریکارڈ ہی اہم ہوتے ہیں مگر جب سو سال پرانا ریکارڈ ٹوٹے تو کیا ہی بات ہے پوری قوم یاسر شاہ کے ریکارڈ کا انتظار کر رہی ہے یہ پاکستان کرکٹ اور یاسر دونوں کیلئے ایک سنگ میل ہے۔۔#fingerscrossed #PakVsNZ

— Ch Fawad Hussain (@fawadchaudhry) December 4, 2018

واضح رہے کہ یاسر شاہ کم میچز میں 200 وکٹیں لینے سے صرف 2 وکٹ کی دوری پرہیں۔ انہوں نے 33 ٹیسٹ میچز میں 198 وکٹیں حاصل کی ہیں۔ یہ ریکارڈ اب تک آسٹریلیا کے لیگ اسپنر کلیری گریمٹس کے پاس ہے جنہوں نے 36 ٹیسٹ میچز میں 200 وکٹیں حاصل کی ہیں۔

اس خبرکوبھی پڑھیں: آئی سی سی ٹیسٹ رینکنگ میں یاسر شاہ کی ترقی

آئی سی سی کے جاری کردہ اعدادوشمار کے مطابق لیگ اسپنر یاسر شاہ نیوزی لینڈ کے خلاف دبئی ٹیسٹ میں 14 وکٹیں حاصل کرنے کے بعد ٹاپ 10 میں جگہ بناتے ہوئے نویں پوزیشن پر آگئے ہیں۔