عاطف اسلم آج بھی بھارتی عوام کے دلوں میں بستے ہیں فوٹوفائل
پاک بھارت حالیہ کشیدگی کے باعث بھارتی حکومت نے پاکستانی فنکاروں پر تو پابندی لگادی ہے تاہم بھارتی عوام کے دلوں سے پاکستانی فنکاروں کو نکالنے میں کامیاب نہیں ہوسکے۔ عاطف اسلم اور راحت فتح علی خان سمیت پاکستانی فنکار آج بھی بھارتی عوام کے دلوں میں بستے ہیں جب کہ بالی ووڈ موسیقاروں اور ہدایت کاروں کی آج بھی پہلی پسند بھارتی گلوکاروں کے بجائے پاکستانی گلوکار ہیں۔
اس خبرکوبھی پڑھیں: ہندوانتہا پسندوں نے پاکستانی گلوکاروں کو بھی نا بخشا
حال ہی میں بالی ووڈ میوزک کمپوزر امال ملک نے ٹوئٹر پر اپنی مایوسی کااظہار کرتے ہوئے کہا کہ وہ اپنی اگلی فلم''دے دے پیار دے''میں عاطف کے بجائے ارجیت سنگھ کی آواز میں گانا ریکارڈ کرائیں گے۔ کیونکہ عاطف اسلم پر بھارت میں پابندی ہے اسلیے اگر عاطف نہیں تو پھر ارجیت سنگھ۔ ان کے ٹوئٹ سے واضح ہورہا ہے کہ بالی ووڈ میوزک ڈائریکٹرز اور میوزک کمپنیوں کی پہلی پسند اور ترجیح عاطف اسلم ہیں تاہم عاطف کے موجود نہ ہونے کی وجہ سے اب وہ گلوکار ارجیت سنگھ کو ترجیح دے رہے ہیں۔
That’s all the labels will want, If Not Atif then Arijit.
— Amaal Mallik (@AmaalMallik) March 28, 2019
دوسری جانب امال ملک کی اس ٹوئٹ نے سوشل میڈیا پر ایک نئی بحث چھیڑ دی ہے کہ عاطف اسلم اور ارجیت سنگھ میں کون بہترین گلوکار ہے۔ بھارتی سوشل میڈیا صارفین نے امال ملک کے اس فیصلے پر سخت مایوسی کا اظہار کرتے ہوئے کہا ہے کہ ارجیت بھائی عاطف جیسا نہیں گا پائیں گے۔
Pr arijit bhai atif jaisa nahi ga payenge
— abhay patel (@abhay991374) March 28, 2019
ایک اور صارف نے کہا بھائی کوئی اور راستہ نہیں ہے عاطف کے لیے چاہے البم نہ ہو لیکن وہ کوئی سنگل گانا ہی گائیں۔
https://twitter.com/AdnanBestkhan/status/1111234237221367808
امال ملک نے سوشل میڈیا پر دونوں گلوکاروں کے درمیان موازنہ کرنے پر ٹوئٹ کرتے ہوئے کہاسب کا اپنا ٹیلنٹ ہوتاہے مہربانی کرکے دونوں کا موازنہ کرنا اور منفی باتیں پھیلانا بند کریں۔
Sabki Apni Talent Hai please don’t compare and bring negativity.
— Amaal Mallik (@AmaalMallik) March 28, 2019
ایک اور صارف نے جب ارجیت سنگھ کو عاطف اسلم سے بہتر گلوکار قرار دیا تو امال ملک نے عاطف کی حمایت میں ٹوئٹ کرتے ہوئے کہا ارجیت ارجیت ہے اور عاطف عاطف ہے، دونوں کا اپنا اسٹائل اور اپنی خوبیاں ہیں۔
Arijit is Arijit, Atif is Atif, they have their own styles and strengths
— Amaal Mallik (@AmaalMallik) March 23, 2019
