مارچ معاہدے کی خلاف ورزی ہوئی تو انتظامیہ حرکت میں آئے گی پرویز خٹک

اکرم درانی اوردیگر اپوزیشن رہنماؤں سے رابطے میں ہوں، امید ہے تمام مراحل اچھے ماحول میں گزریں گے، میڈیا سے گفتگو فوٹو: فائل

---

ISLAMABAD: حکومتی مذاکراتی کمیٹی کے سربراہ پرویزخٹک نے کہا ہے کہ جے یوآئی ایف نے آزادی مارچ سے متعلق معاہدے کی خلاف ورزی کی تو انتظامیہ حرکت میں آئے گی۔

پرویزخٹک نے کہا ہے کہ جے یوآئی ایف نے آزادی مارچ سے متعلق معاہدے کی خلاف ورزی کی تو انتظامیہ حرکت میں آئے گی۔ اگر ساری اپوزیشن پارٹی اکھٹی ہو کر لاکھ 2لاکھ بندے لے آئے تو کون سی بڑی بات ہے، حکومت آزادی مارچ میں کوئی رکاوٹ کھڑی نہیں کرے گی۔

پارلیمنٹ ہاؤس میں صحافیوں سے گفتگو میں وزیر دفاع پرویز خٹک کاکہنا تھا ہم نے اپنا فرض اداکیا اور اپوزیشن کے مارچ کوآنے کی اجازت دی۔ آزادی مارچ سے متعلق کوئی پریشانی نہیں، ہم ان تمام مراحل سے گزرے ہیں، اگر ہم نے جلسے جلوس نہ کیے ہوتے تو پریشانی کا سامنا ہوتا۔

پرویزخٹک نے کہا ہم کوئی رکاوٹ کھڑی نہیں کرینگے، میں اکرم درانی و دیگر اپوزیشن رہنماؤں سے رابطے میں ہوں، امید ہے تمام مراحل اچھے ماحول میں طے ہونگے۔