امریکی شخص نے ایک ہی دن میں دس لاکھ ڈالرکی لاٹری دو مرتبہ جیت لی

ویب ڈیسک  بدھ 6 مئ 2020
اس تصویر میں جو بی لاٹری جیتنے کے بعد دس ، دس لاکھ ڈالر کے دو چیک دکھارہے ہیں۔ فوٹو: ایم ایس این

اس تصویر میں جو بی لاٹری جیتنے کے بعد دس ، دس لاکھ ڈالر کے دو چیک دکھارہے ہیں۔ فوٹو: ایم ایس این

کولاراڈو: قدرت مہربان ہوجائے تو عین وہی ہوتا ہے جو امریکی شہر کولاراڈو کے ایک شخص کے ساتھ ہوا کہ اس نے ایک ہی دن میں دو مرتبہ لاٹری جیتی اور ہر بار دس لاکھ ڈالر یعنی 15 کروڑ اس کی جھولی میں گھرے اور یوں مجموعی طور پر 20 لاکھ ڈالر یعنی 30 کروڑ روپے کا مالک بن گیا۔

’جو بی‘ نامی اس شخص نے 25 مارچ کو دو مرتبہ لاٹری جیتی اور اس کی تصویر انہوں نے بڑے فخر سے پوسٹ کی ہے۔ لیکن یاد رہے کہ جو گزشتہ 30 برس سے عین اسی نمبر کے تحت لاٹری خرید رہے ہیں لیکن زندگی میں پہلی مرتبہ انہوں نے ایک ہی روز دو مرتبہ لاٹری جیتی ہے۔ یہ انعام پاوربال لاٹری میں جیتے گئے ہیں جو دو مختلف جگہوں سے خریدے گئے تھے اور دونوں اسٹور ایک دوسرے سے ایک میل کے فاصلے پر واقع ہیں۔

کورونا وائرس کے تناظر میں اب انعام حاصل کرنے کے لیے ڈرائیو تھرو طریقہ وضع کیا گیا ہے جس سے گزر کر آپ انعام کا دعویٰ کرسکتے ہیں۔  لاٹری والی کمپنی نے جب اس سے دونوں انعامات کے بارے میں پوچھا تو اس نے بتایا کہ میری بیگم (باس) ہی اس کا فیصلہ کریں گی۔

جو کا تعلق کولاراڈو کی پیبلو کاؤنٹی سے ہیں جہاں کورونا کے ہزاروں کیس نمودار ہوچکے ہیں لیکن اس افسردہ صورتحال میں بھی قسمت کی دیوی جو پر مہربان ہوئی اور اب وہ کروڑ پتی بن چکے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔