امریکا میں ایک بار پھر ایک کتا میئر منتخب

امریکا کے ایک نواحی قصبے ریبٹ ہیش میں فرنچ بل ڈاگ کتے ’ولبر بیسٹ‘ نے 13 ہزار 143 ووٹوں سے میئر منتخب ہوگئے۔

کوریئر جرنل کے مطابق شمالی کینٹکی میں واقع ایک چھوٹے سے امریکی قصبے کے مکینوں نے اپنے علاقے کے میئر کے لیے ایک کتے کا انتخاب کیا ہے۔ میئر کے لیے اس انوکھے انتخاب میں 22 ہزار 985 ووٹ ڈالے گئے جو کہ اب تک کا سب سے زیادہ ٹرن آؤٹ ہے۔

نومنتخب میئر ولبر بیسٹ کے ترجمان اور ان کے انسانی دوست ایمی نولینڈ نے فوکس نیوز کو بتایا کہ ہم دونوں اس جیت پر کافی مسرور ہیں اور اپنے حامیوں کا شکریہ ادا کرتے ہیں جن کے بنا یہ کامیابی ناممکن تھی۔

The mayoral election in Rabbit Hash, Kentucky, was called for Wilbur Beast, a French Bulldog, in a landslide victory. https://t.co/x72g3Jrsbw

— Courier Journal (@courierjournal) November 4, 2020

ایمی نولینڈ نے مزید بتایا کہ میئر کے الیکشن میں کتے کا انتخاب ایک دلچسپ مہم جوئی اور معنی خیز مقصد ہے تاکہ ریبٹ ہیش کو محفوظ رکھا جاسکے جو اپنے مہمانوں کا خیرمقدم کرتا ہے اور ہر عمر کے افراد کے لیے تفریحی مواقع فراہم کرتا ہے۔

ولبر بیسٹ اس قصبے میں میئر کے فرائض انجام دینے والے پہلا کتا نہیں ہے بلکہ یہاں 1990 کی دہائی سے کتوں کو ہی میئر منتخب کیا جاتا رہا ہے۔ اس سال ولبر بیسٹ نے نے بازیاب کروائے گئے کتے ’پٹ بل‘ اور 2017 میں منتخب ہونے والے سابق میئر کتے ’برائنتھ پاولٹرو‘ کو شکست دی۔

میئر کے مقابلے میں حصہ لینے کے خواہش مند امیدوار کتے کو اپنی اہلیت ثابت کرنے کے لیے ایک گھنٹے کے اندر اپنے گھر سے کسی خرگوش کو ریبٹ ہیش ٹاؤن سینٹر تک تعاقب کرکے ایک گھنٹے میں پکڑنا ہوتا ہے۔