وزیراعظم کی مولانا طارق جمیل کی کورونا سے صحت یابی کے لیے دعا

وزیراعلی پنجاب سردار عثمان بزدار کا بھی مولانا طارق جمیل کیلئے نیک تمناؤں کا اظہار

---

وزیراعظم عمران خان نے معروف عالم دین مولانا طارق جمیل کی صحت یابی کے لیے دعا کی ہے۔

وزیراعظم عمران خان نے ٹوئٹ کرتے ہوئے کہا کہ مولانا طارق جمیل کی کوویڈ 19 سے جلد صحتیابی کے لیے دعاگو ہوں۔

Praying for Maulana Tariq Jamil's speedy and full recovery from Covid 19.

— Imran Khan (@ImranKhanPTI) December 14, 2020

وزیراعلی پنجاب سردار عثمان بزدار نے بھی مولانا طارق جمیل کی جلد صحت یابی کیلئے دعا کی اور ان کیلئے نیک تمناؤں کا اظہار کیا۔ انہوں نے کہا کہ اللہ تعالی سے دعا ہے کہ مولانا طارق جمیل کو صحت کاملہ عطا فرمائے۔

مولانا طارق جمیل کورونا میں مبتلا ہوگئے ہیں اور طبیعت کی خرابی پر انہیں کمبائنڈ ملٹری اسپتال (سی ایم ایچ) راولپنڈی منتقل کردیا گیا ہے۔

طارق جمیل نے ٹوئٹ کے ذریعے چاہنے والوں سے دعاؤں کی درخواست کی اور تصدیق کی کہ وہ کورونا وبا کا شکار ہوچکے ہیں۔ ان کی گزشتہ کچھ روز سے طبیعت ناساز تھی اور انہوں نے تمام احباب سے خصوصی دعاؤں کی درخواست کی ہے۔