تازہ ترین

پی ایس ایل کے نئے ترانے نے شائقین کرکٹ کو پھر مایوس کردیا، سوشل میڈیا پر تنقید

علی ظفر بھائی آپ کی جانب سے ایک اور ماسٹر پیس درکار ہے، صارفین کا ٹوئٹر پر مطالبہ

ویب ڈیسک اتوار 7 فروری 2021

علی ظفر بھائی آپ کی جانب سے ایک اور ماسٹر پیس درکار ہے، صارفین کا ٹوئٹر پر مطالبہ - فوٹو: انٹرنیٹ

کراچی: پاکستان سپر لیگ کے چھٹے ایڈیشن کا ترانہ ریلیز ہوتے ہی ٹوئٹر پر ٹرینڈ کرتا رہا جس میں شائقین کرکٹ نے بھرپور تنقید کی اور گلوکار علی ظفر سے نیا گانا ریلیز کرنے کا مطالبہ کیا۔

پاکستان سپر لیگ کے چھٹے ایڈیشن کے لیے آفیشل اینتھم ’گروو میرا‘ ریلیز کردیا گیا تاہم سوشل میڈیا پر ٹرینڈ سے معلوم ہوتا ہے کہ شائقین کرکٹ کو یہ زیادہ پسند نہیں آیا۔

رواں سال کا ترانہ فوک گلوکارہ نصیبو لعل، گلوکارہ آئمہ بیگ اور ہپ ہاپ اسٹارز ینگ اسٹنرز نے گایا تاہم مداحوں نے پی ایس ایل کا اب تک کا بدترین ترانہ قرار دیدیا۔

خیال رہے پاکستان سپر لیگ کے پہلے دوسرے اور تیسرے ایڈیشنز کے ترانے’’اب کھیل کر دکھا‘‘، ’’اب کھیل جمے گا‘‘ اور ’’دل سے جان لگا دے‘‘گلوکار علی ظفر نے گائے۔

علی ظفر کے یہ گیت بہت مقبول بھی ہوئے تاہم اس کے بعد سے اب تک کے ترانے تنازعات کا شکار رہے ہیں۔

پی ایس ایل کے چوتھے ایڈیشن کا ترانہ ’’کھیل دیوانوں کا‘‘ اداکار وگلوکار فواد خان نے گایا جس پر مداحوں کی جانب سے بہت تنقید کی گئی اور پی ایس ایل کے چاہنے والے علی ظفر کو یاد کرنے لگے۔

پانچویں ایڈیشن کا ترانہ ’’تیار ہیں‘‘ گلوکار علی عظمت، عاصم اظہر اور عارف لوہار نے ترانہ گایا لیکن وہ بھی شائقین کرکٹ کو پسند نہیں آیا اور اس پر علی عظمت اور علی ظفر کے دوران لفظی گولاباری بھی ہوئی۔

جس کے بعد علی ظفر نے اپنا گانا ’’میلا لوٹ لیا‘‘ ریلیز کیا جسے مداحوں نے ’’تیار ہیں‘‘ سے بہت اچھا قرار دیا۔

پی ایس ایل کا کے رواں سال کا ترانہ ’’گروو میرا‘‘ ریلیز ہوتے ہی لوگ ایک بار پھر سے علی ظفر کو یاد کررہے ہیں اور اس حوالے سے سوشل میڈیا پر مختلف میمز بھی شیئر کررہے ہیں۔

Ab kya ker diya mein ne?

— Ali Zafar (@AliZafarsays) February 6, 2021

دوسری جانب سوشل میڈیا پر متعدد بار ٹیگ کیے جانے پر علی ظفر نے بھی یہ موقع ہاتھ سے جانے نہ دیا اور ٹویٹ کرتے ہوئے کہا ’’ اب کیا کردیا میں نے ؟

https://twitter.com/TejaniZaigham/status/1358080154828947457

ایک صارف نے علی ظفر کو مخاطب کرتے ہوئے کہا کہ بھائی ایک اور ماسٹر پیس درکار ہے۔

https://twitter.com/RealisticTalha/status/1358080158566072323

ایک اور صارف نے پی ایس ایل کے پانچویں ایڈیشن کے ترانے ’’تیار ہیں‘‘ کو رواں سال کے ترانے سے بہتر قرار دیا۔

https://twitter.com/iamzrai/status/1358316012278546434

دیگر صارفین نے پی ایس ایل کے نئے گیت پر ناپسندیدگی کا اظہار کچھ اس طرح کیا۔

https://twitter.com/ShAqeelrwp/status/1358312711944249344

https://twitter.com/waleedqadri18/status/1358299725930389508

Seeing the level of #psl6anthem after #AliZafar. Now waiting this man to sing next one #PSL6 #pslanthem2021 #PSL2021 pic.twitter.com/31EjBPUVeD

— Kamran Sarwar (@KamranSarwar98) February 7, 2021