اسلام آباد میں وکیل نے بھائی، بھابھی اور بھتیجے کو فائرنگ کرکے ماردیا

 اسلام آباد: تھانہ شمس کالونی کے علاقے میں چھوٹے بھائی نے بڑے بھائی، بھابھی اور بھتیجے کو قتل کر ڈالا۔

پولیس ذرائع کے مطابق اسلام آباد میں وکالت کرنے والے وقاص نامی غیر شادی شدہ نوجوان نے اپنے بڑے بھائی، بھابھی اور بھتیجے کو اندھا دھند فائرنگ کرکے موت کے گھاٹ اتار دیا۔

پولیس ذرائع کا کہنا ہے کہ تہرے قتل کی وجہ گھریلو تنازعہ بتایا جارہا ہے، ملزم وقاص جو کہ اسلام آباد کا وکیل بتایا جارہا ہے موقع سے فرار ہوچکا ہے جس کی گرفتاری کے لیے سرچ آپریشن جاری ہے اور علاقہ کی ناکہ بندی بھی کی گئی ہے۔