مشرف کو ڈسچارج کیا جائے ایکس سروس مین لیگل فورم کا خط

بلاوجہ داخل رکھنے سے اے ایف آئی سی کی ساکھ متاثر ہورہی ہے،سابق افسران کاموقف فوٹو فائل

---

آل پاکستان ایکس سروس مین لیگل فورم نے کمانڈنٹ عسکری ادارہ امراض قلب کے نام خط میں مطالبہ کیا ہے کہ سابق صدر پرویزمشرف کو فوری طور پر اسپتال سے ڈسچارج کیا جائے تاکہ وہ خصوصی عدالت میں اپنے خلاف زیرسماعت غداری کیس کی پیروی کرسکیں۔

فورم کے سیکریٹری کرنل ریٹائرانعام الرحیم کی طرف سے ارسال کردہ خط میں موقف اختیارکیاگیاکہ بغیرکسی وجہ کے پرویزمشرف کو اے ایف آئی سی میں تحفظ دیکر رکھنے سے ادارے کی ساکھ متاثر ہو رہی ہے۔



مشرف نے بیرون ملک سے علاج کرانے کی خواہش ظاہر کر کے اے ایف آئی سی کی طبی سہولتوں پر بھی عدم اعتمادکردیا ہے اس لیے اب انھیں مزید اے ایف آئی سی میں رکھنے کاکوئی جواز نہیں رہا۔ واضح رہے کہ اس فورم میں وہ ریٹائرڈ فوجی افسران شامل ہیں جو ریٹائرمنٹ کے بعدسپریم کورٹ، ہائی کورٹ اورڈسٹرکٹ کورٹس میں وکالت کرتے ہیں۔