مسلح شخص کی موجودگی پر پولیس نے یواین ہیڈ کوارٹر کو گھیرے میں لے لیا

 نیویارک: مسلح شخص کی موجودگی پر پولیس نے اقوام متحدہ کے ہیڈکوارٹر کو گھیرے میں لے لیا۔

خبررساں ایجنسی (اے ایف پی) کے مطابق امریکی شہر نیویارک میں پولیس کی جانب سے ایک مسلح شخص کو اقوام متحدہ کے ہیڈ کوارٹر کے باہر دیکھا گیا جس کے بعد پولیس نے فوری طور پر یو این ہیڈکوارٹر کو گھیرے میں لے لیا۔

اقوام متحدہ کے ترجمان نے خبررساں ایجنسی کو بتایا کہ اقوام متحدہ کے ہیڈکوارٹر کو بند کردیا گیا ہے اور باہر پولیس گشت کررہی ہے جب کہ پولیس نے ایک شخص کو بھی گھیرے میں لے رکھا ہے جس کے ہاتھ میں گن نما کوئی چیز دکھائی دے رہی ہے۔

#UPDATE The United Nations headquarters in New York was cordoned off on Thursday during a police stand-off with a lone man apparently holding a gun outside the venue, officials said pic.twitter.com/qvVfV4KW1k

— AFP News Agency (@AFP) December 2, 2021

اقوام متحدہ کے ایک اہلکار نے نام ظاہر نہ کرنے کی شرط پر بتایا کہ ایک نامعلوم شخص نے ہیڈکوارٹر کے انٹری گیٹ کے قریب پہنچ کر خود کو جان سے مارنے کی دھمکی دی جس کے فوراً بعد پولیس نے ایکشن لیتے ہوئے تمام گیٹ بند کردیے تاہم ہیڈ کوارٹر کے اندر ہونے والی میٹنگ پر کوئی اثر نہیں پڑا اور وہ بغیر کسی مداخلت کے چلتی رہیں۔

نیویارک پولیس کی جانب سے جاری کیے گئے بیان میں امریکی شہریوں کو 42 اسٹریٹ اور فرسٹ وینیو کی جانب سفر کرنے سے گریز کرنے کی ہدایات دی گئی ہیں۔