بھارت نے ایشیا کپ میں پاکستان کو پانچ وکٹوں سے شکست دے دی

 دبئی: ایشیا کپ 2022 کے دوسرے میچ میں بھارت نے سنسنی خیز مقابلے کے بعد پاکستان کو پانچ وکٹوں سے شکست دے دی۔

پاکستان نے بھارت کو جیت کے لیے 148 رنز کا ہدف دیا تھا جسے بھارتی ٹیم نے آخری اوور کی چوتھے گیند پر پانچ وکٹوں کے نقصان پر پورا کر لیا۔ ہاردیک پانڈیا نے چھکا لگا کر میچ کا اختتام کیا۔

پاکستان کی جانب سے محمد نواز نے تین اور ڈیبیو کرنے والے نوجوان فاسٹ باولر نسیم شاہ نے دو کھلاڑیوں کو آؤٹ کیا۔ نسیم شاہ دوران باولنگ انجری کا بھی شکار ہوگئے۔

https://twitter.com/TheRealPCB/status/1563953850511491072?s=20&t=tCO_NRoOVp-YLVYnCmdGuw

قومی ٹیم کے نوجوان فاسٹ باولر نسیم شاہ نے بھارتی اوپنر کے ایل راہول کو صفر پر آؤٹ کیا۔

اسکے بعد ویرات کوہلی اور روہیت شرما کے درمیان 49 رنز کی شراکت داری قائم ہوئی لیکن بھارتی کپتان 12 رنز بنا کر پویلین لوٹ گئے۔ اوپنر ویرات کوہلی 35 رنز بنا کر محمد نواز کی گیند کا شکار ہوئے۔

نسیم شاہ نے سوریا کمار یادیو کو 18 رنز پر بولڈ کر دیا جبکہ محمد نواز نے جدیجا کو آؤٹ کیا۔

https://twitter.com/TheRealPCB/status/1563935689359736835?s=20&t=tCO_NRoOVp-YLVYnCmdGuw

https://twitter.com/TheRealPCB/status/1563923744636239877?s=20&t=tCO_NRoOVp-YLVYnCmdGuw

پاکستان کی اننگز

بھارتی فاسٹ باولر بھونیشور کمار نے 26 رنز دے کر 4 کھلاڑیوں کو پویلین کی راہ دکھائی جبکہ ہاردک پانڈیا نے 25 رنز دے کر تین کھلاڑیوں کو آؤٹ کیا۔

قومی ٹیم کی پہلی وکٹ کپتان بابراعظم کی گری جو 10 رنز بنا کر پویلین لوٹ گئے جبکہ فخر زمان بھی 10 رنز بنا کر وکٹ کیپر کو کیچ تھما بیٹھے۔ افتخار احمد نے محمد رضوان کے ساتھ 45 رنز کی شراکت داری قائم کی لیکن وہ بھی 28 رنز بنا کر آؤٹ ہوگئے۔

محمد افتخار کے بعد محمد رضوان 43 رنز بنا کر آؤٹ ہوئے جبکہ خوشدل شاہ دو رنز بنا کر ہی پویلین لوٹ گئے۔ آصف علی 9 اور محمد نواز ایک رن بنا کر آؤٹ ہوئے جبکہ شاداب خان 10 رنز بنا سکے۔

نسیم شاہ صفر اور شاہنواز دھانی 16 رنز بنا کر آؤٹ ہوئے۔ شاہنواز دھانی آخری اوورز میں دو چھکے لگائے۔

Yuzvendra Chahal's drop of Iftikhar Ahmed doesn't prove costly, with Hardik Pandya dismissing the batter in the next over for 28 – Pakistan 87 for 3 in 12.1 overs #INDvPAK #AsiaCup2022

— ESPNcricinfo (@ESPNcricinfo) August 28, 2022

نوجوان فاسٹ باولر نسیم شاہ نے بھارت کے خلاف ٹی ٹوئنٹی میں ڈیبیو کیا ہے جبکہ شاہین شاہ آفریدی اور محمد وسیم انجری کے باعث پہلے ہی ایونٹ سے باہر ہوگئے ہیں۔

فاسٹ باولر حسن علی کو اسکواڈ میں شامل کیا گیا ہے لیکن وہ پاک بھارت میچ میں دستیاب نہیں۔ دوسری جانب، بھارتی ٹیم کے سابق کپتان ویرات کوہلی ٹی ٹوئنٹی کیریئر کا 100 واں میچ کھیل رہے ہیں۔

Happy with the team selections, fans?https://t.co/8uOqlHJ43c #INDvPAK #AsiaCup2022 pic.twitter.com/Zl7EsdGUk9

— ESPNcricinfo (@ESPNcricinfo) August 28, 2022

پاکستانی ٹیم

کپتان بابراعظم، وکٹ کیپر محمد رضوان، فخر زمان، افتخار احمد، نائب کپتان شاداب خان، خوشدل شاہ، آصف علی، محمد نواز، نسیم شاہ، حارث رؤف، شاہنواز دھانی۔

بھارتی ٹیم

کپتاب روہت شرما، نائب کپتان کے ایل راہول، ویرات کوہلی، سوریا کمار یادیو، دنیش کارتک، ہاردک پانڈیا، روندر جدیجہ، بھونیشور کمار، اویش خان، یزویندر چہل، ارشدیپ سنگھ۔