ٹِک ٹاک کی جانب سے یوٹیوب طرز کے فیچر کی آزمائش جاری

بیجنگ: ویڈیو شیئرنگ ایپلی کیشن ٹِک ٹاک نِت نئے فیچرز متعارف کرانے کا سلسلہ جاری رکھتے ہوئے اپنی حریف ایپس کے لیے نئی مشکلات کھڑی کر رہی ہے۔

ٹِک ٹاک کی جانب سے حال ہی میں یوٹیوب طرز کی ہوریزونٹل اسکرین کے فیچر کی آزمائش کی گئی ہے جو ٹِک ٹاک کلپس کو دیکھنے کا ایک بالکل نیا انداز ہوگا۔

ایک ٹیکنالوجی ویب سائٹ کے مطابق دوران آزمائش جن صارفین کو اس فیچر تک رسائی ہے ان کی اسکرین پر ایک بٹن موجود ہے جس کو دبا کر فون کو ہوریزونٹلی رکھنے سے ٹِک ٹاک کا ڈسپلے بھی اس ہی طرح اسکرین پر پھیل جاتا ہے۔

میٹ نیوارا نے اپنے ٹوئٹر اکاؤنٹ پر ایک ویڈیو شیئر کی جس میں اس فیچر کا عملی مظاہرہ دیکھا جاسکتا ہے۔

NEW! TikTok FULL SCREEN mode

Great for long-form content… huh ByteDance? pic.twitter.com/46HMveag4W

— Matt Navarra (@MattNavarra) December 8, 2022

ٹِک ٹاک کی جانب سے یہ اقدام بتاتا ہے کہ ایپ کا اگلا ہدف یوٹیوب کی جگہ لینا ہے تاکہ ٹِک ٹاک پر کانٹینٹ بنانے والے اب طویل طرز کے ویڈیو بنانے میں دلچسپی لیں۔