نگراں حکومت بندرگاہ پر کھڑی بسیں سڑکوں پر لانے کیلیے اقدامات کرے، شرجیل میمن

  کراچی: سابق صوبائی وزیر سندھ شرجیل انعام میمن نے نگراں حکومت سے اپیل کی ہے کہ وہ پورٹ پر کھڑی بسوں کو سڑکوں پر لانے کیلیے اقدامات کرے۔

اپنے ایک بیان میں شرجیل میمن نے کہا کہ بیرون ملک سے کراچی اور سندھ کے دیگر شہروں کیلیے درآمد کی گئی بسیں پورٹ پر کھڑی ہیں، نگراں حکومت سے اپیل ہے کہ ان کھڑی بسوں کو سڑکوں پر لانے کیلیے اقدامات کیے جائیں۔

انہوں نے کہا کہ پیپلز پارٹی کی سندھ حکومت کی خریدی گئی بسیں بندر گاہ پر مہینوں سے کھڑی ہیں، بندرگاہ پر کھڑی بسیں عوام الناس کے لئے فوری طور پر سڑکوں پر لائی جائیں۔

شرجیل میمن نے کہا کہ بسیں سڑکوں پر آنے سے عوام سستی اور بہترین بسوں سے مستفید ہو سکیں گے۔