وزیراعظم شہبازشریف نے سابق وزیر اعظم عمران خان کے دور میں بننے والی نیا پاکستان ہاوسنگ اتھارٹی کو ختم کرنے کافیصلہ کرلیا۔
رپورٹ کے مطابق ذرائع نے کہا کہ میجر جنرل (ر) عامر اسلم خان چیئرمین نیا پاکستان ہاوٴسنگ اتھارٹی کے کنٹریکٹ کی مزید تجدید نہیں کی گئی۔
ذرائع نے کہا کہ نیا پاکستان ہاوٴسنگ اتھارٹی کا سالانہ بجٹ 40کروڑ تھا، پچھلے پانچ سالوں میں سالانہ 40کروڑ بجٹ ہونے کے باوجود آوٴٹ پٹ صفر رہا۔
ذرائع کے مطابق نیا پاکستان ہاوٴسنگ اتھارٹی کا5 سالوں کا بجٹ 2ارب روپے تھا۔
نیا پاکستان ہاوسنگ اتھارٹی سابق وزیراعظم عمران خان کے دورمیں بنائی گئی تھی۔
کیپٹن (ر) ظفر اقبال اتھارٹی کے قائم مقام چیئرمین تعینات
کیپٹن ریٹائرڈ محمد ظفر اقبال کو نیا پاکستان ہاؤسنگ اینڈ ڈویلپمنٹ اتھارٹی کا قائم مقام چیئرمین تعینات کردیا گیا۔ ان کی تعیناتی تین ماہ کیلئے کی گئی ہے جس کا اسٹیبلشمنٹ ڈویژن نے نوٹی فکیشن جاری کردیا ہے۔
نوٹی فکیشن میں کہا گیا ہے کہ قائم مقام چیئرمین کیپٹن (ر) ظفر اقبال کو تین ماہ کیلئے اضافی ذمہ داری یا مستقل چیئرمین کی تعیناتی سونپی گئی ہے، ظفر اقبال بیس ایس 20 کے پاکستان ایڈمسٹریٹو سروس کے آفیسر ہیں، وہ ڈی جی فیڈرل گورنمنٹ ایمپلائز ہاؤسنگ اتھارٹی تعینات ہیں۔
