پاکستانی عوام رکاوٹیں توڑ کر اسلام آباد پہنچیں، عمران خان کی اپیل

اسلام آباد: پاکستان تحریک انصاف  کے چیرمین عمران خان کا کہنا ہے کہ آج رات ڈی چوک پر آزدی کا جشن منائیں گے چاہتا ہوں کہ پاکستانی عوام تمام رکاوٹیں توڑ کر  وفاقی دارالحکومت پہنچ جائے۔

سماجی رابطوں کی ویب سائٹ ٹویٹر پر جاری اپنے پیغام میں عمران خان کاکہنا تھا کہ آج رات ہم اسلام آباد میں پارلیمنٹ ہاؤس کے سامنے ڈی چوک پر آزادی کا جشن منائیں گے، چاہتا ہوں کہ پاکستانی عوام  تمام رکاوٹیں توڑ کر یہاں پہنچ جائے۔ ان کا کہنا تھا کہ پولیس کو  خبر دار  کرتا ہوں کہ ہمارے گرفتار لوگوں کو چھوڑ دے ورنہ ہم انھیں اپنے کارکنوں کو غیر قانونی طور پر حراست میں لینے پر  سخت سزا دیں گے۔

Tonite we will celebrate Azadi at D Chowk

— Imran Khan (@ImranKhanPTI) August 20, 2014

I want all Pakistanis 2 get here breaking all barriers. Warning police 2 release r ppl or v will punish them 4 unlawfully detaining r ppl

— Imran Khan (@ImranKhanPTI) August 20, 2014

چند گھنٹے قبل بھی عمران خان نے اپنے ایک ٹویٹر پیغام میں کہا تھا کہ جب نا انصافی قانون بن جائے تو مزاحمت فرض ہو جاتی ہے، گزشتہ روز ہم نے نیا پاکستان بنانے کے لئے بہت بڑا قدم اٹھایا۔

"When injustice becomes law, resistance becomes duty." Yesterday we took a giant step 4 Naya Pakistan & democracy..

— Imran Khan (@ImranKhanPTI) August 20, 2014