ویسٹ انڈیزنے کرکٹ کواولمپکس کا حصہ بنانے کی حمایت کردی

ٹوئنٹی 20 فارمیٹ کے اولمپکس میں کھیلے جانے کی حمایت کرتا ہوں، بورڈ صدر ڈیو کیمرون۔ فوٹو : اے ایف پی

---

ویسٹ انڈیز نے کرکٹ کو اولمپکس کا حصہ بنانے کی تجویز کی حمایت کردی۔

ویسٹ انڈین کرکٹ بورڈ کے صدر ڈیو کیمرون نے کہا ہے کہ وہ ٹوئنٹی 20 فارمیٹ کے اولمپکس میں کھیلے جانے کی حمایت کرتے ہیں۔ اس سے عالمی ناظرین کی تعداد میں اضافہ ہوگا مگر اس کوشش کو بڑے ممالک کی جانب سے مخالفت کا سامنا کرنا پڑسکتا ہےکیونکہ ان ممالک میں یہ کھیل نہیں کھیلا جاتا۔

ڈیو کیمرون نے کہا کہ پہلے کرکٹ کو پان امریکن گیمزکا حصہ بنانے کی کوشش کی جائے تاکہ وہاں کے لوگ کھیل سے اچھی طرح واقف ہوجائیں، اس کے بعد اسے اولمپکس کا حصہ بنایا جائے۔