امریکا میں پارٹی کے دوران فائرنگ سے 3 افراد ہلاک حملہ آور گرفتار

حملہ آور نے پارٹی میں شریک افراد پر 20 سے زائد گولیاں چلائی جس کے نتیجے میں 5 افراد زخمی ہوگئے تھے، عینی شاہدین: فوٹو : فائل

---

KARACHI: امریکا کے شہر سیٹل میں پارٹی کے دوران فائرنگ سے 3 افراد ہلاک جب کہ 2 زخمی ہوگئے۔

غیر ملکی خبر ایجنسی کے مطابق امریکا کے شہر سیئٹل میں ایک پارٹی کے دوران ایک شخص نے اچانک فائرنگ کردی۔ جس کے نتیجے میں 5 افراد زخمی ہوگئے ، زخمیوں کو فوری طور پر اسپتال منتقل کیا گیا تاہم 3 زخمی جاں بر نہ ہوسکے اور دوران علاج دم توڑ گئے جب کہ دیگر 2 زخمیوں کی حالت بھی تشویش ناک بتائی جارہی ہے۔

اس خبر کو بھی پڑھیں: امریکا میں مسلح شخص نے 4 افراد کو قتل کر کے خود کشی کرلی

پارٹی میں شریک واقعے کے عینی شاہدین کا کہنا ہے کہ حملہ آور نے تقریب میں موجود افراد پر 20 گولیاں چلائیں ، فائرنگ ہوتے ہی لوگوں نے اپنی جان بچانے کے لیے بھاگنا شروع کردیا جس کے نتیجے میں بھگدڑ مچ گئی تاہم اس سے کسی قسم کا جانی نقصان نہیں ہوا۔

اس خبر کو بھی پڑھیں: امریکا میں فائرنگ سے 3 پولیس آفیسر سمیت 5 افراد ہلاک

مقامی پولیس سربراہ کا کہنا ہے کہ فائرنگ کرنے والے شخص کو موقع پر سے ہی گرفتار کرلیا گیا ہے۔ ابتدائی تفتیش کی روشنی میں واقعہ دہشت گردی کا شاخسانہ نہیں لگتا۔