یوم اقبال کے موقع پر خیبر پختونخوا میں عام تعطیل کا اعلان

کل کیتھولک بورڈ آف ایجوکیشن کےتحت نجی تعلیمی ادارےبھی بند رہیں گے۔: فوٹو: فائل

---

کل ملک بھر میں یوم اقبال قومی جوش وجذبے سے منایا جائے گا تاہم گزشتہ سال سے 9 نومبر کی تعطیل کا فیصلہ ابہام کا شکار ہے اور اس بار بھی وفاقی حکومت نے یوم اقبال پر تعطیل کا اعلان نہیں کیا۔

ایکسپریس نیوز کے مطابق وفاقی وزارت داخلہ نے رواں برس بھی یوم اقبال کے موقع پر عام تعطیل نہیں کیا ۔ اس حوالے سے سوشل میڈیا میں گردش کرنے والے نوٹی فکیشن کو بھی جعلی قرار دے دیا ہے تاہم خیبر پختونخوا کی حکومت نے 9 نومبر کو عام تعطیل کا اعلان کردیا ہے جس کے تحت صوبے کے ماتحت ادارے اور تعلمی مراکز بند رہیں گے۔

پنجاب اور بلوچستان حکومت نے وفاق کی پیروی کرتے ہوئے مکمل خاموشی اختیار کررکھی ہے تاہم سندھ میں تعلیمی ادارے بند رہیں گے۔

واضح رہے کہ وزیر اعظم نواز شریف نے اپنے دوسرے دور حکومت میں کئی دیگر تعطیلات کے ساتھ 9 نومبر کی چھٹی بھی ختم کردی تھی تاہم پرویز مشرف نے اسے بحال کردیا تھا لیکن گزشتہ برس سے موجودہ حکومت نے دوبارہ یہ تعطیل ابہام کا شکار ہوگئی ہے۔