بالی ووڈ میں 38 سال گزارنا آسان کام نہیں، انیل کپور

 ممبئی: بھارتی اداکار انیل کپور کا کہنا ہے کہ فلم انڈسٹری میں گزشتہ 38 سال سے کام کررہاہوں تاہم اتنا لمبا وقت انڈسٹری میں گزارنا کوئی آسان کام نہیں ہے۔

ممبئی میں فلم کے ٹریلر کی افتتاحی تقریب میں میڈیا سے بات کرتے ہوئے  انیل کپور کا کہنا تھا کہ بالی ووڈ میں گزشتہ 38 سال سے کام کررہا ہوں اور اس دوران کئی کردار کیے تاہم اتنے لمبے عرصے تک فلم انڈسٹری میں کام کرنا آسان نہیں، یقیناً میں نے کچھ اچھا کیا ہوگا جب ہی اتنے لمبے عرصے تک مجھے یہاں اتنی عزت ملی ہے۔

اس خبر کو بھی پڑھیں : انیل کپورکو مونچھوں کی قربانی پر فلم ’’لمحے‘‘ میں کاسٹ کیا گیا

انیل کپور اپنی نئی مزاحیہ فلم ’’مبارکاں‘‘ میں ارجن کپور، الینا ڈی کروز اور نیہا شرما سمیت سنیل شیٹھی کی بیٹی آتیا شیٹھی کے ساتھ جلوہ گر ہوں گے جب کہ فلم 28 جولائی کو ریلیز کی جائے گی۔