’’ہیم ٹیکسٹائل نمائش‘‘ میں پاکستانی مصنوعات کی بھرپور پذیرائی

نمائش کے آغاز سے ہی اچھا رسپانس مل رہا ہے بڑی تعداد میں غیرملکی پاکستانی مصنوعات میں دلچسپی لے رہے ہیں

---

جرمنی کے شہر فرینکفرٹ میں جاری ہیم ٹیکسٹائل نمائش میں شریک پاکستانی کمپنیوں کو عالمی خریداروں کی جانب سے بھرپور رسپانس مل رہا ہے۔

پاکستانی ہوم ٹیکسٹائل، بیڈ ویئر، تولیہ مصنوعات میں غیرملکی خریدار بالخصوص یورپی ممالک گہری دلچسپی لے رہے ہیں۔ نمائش میں شریک پاکستانی کمپنیوں کو امید ہے کہ سال 2019 پاکستانی معیشت اور برآمدات کے لیے مثبت سال ثابت ہوگا بالخصوص ٹیکسٹائل کی صنعت کے لیے حکومتی مراعات اور معاون پالیسیوں کی بدولت پاکستانی ایکسپورٹ کمپنیاں عالمی ٹیکسٹائل مارکیٹ میں اپنا شیئر بڑھانے میں کامیاب ہوں گی۔

نمائش میں شریک گل احمد ٹیکسٹائل کے چیئرمین محمد بشیر نے کہا کہ نمائش کے آغاز سے ہی اچھا رسپانس مل رہا ہے بڑی تعداد میں غیرملکی خریدار پاکستانی مصنوعات میں دلچسپی لے رہے ہیں۔