پاکستان اور یورپی یونین کے درمیان دسویں سیاسی مذاکرات ہوئے، جس میں دیگر امور کے علاوہ مقبوضہ کشمیر اور غزہ جیسے اہم موضوعات پر بات چیت کی گئی۔
برسلز میں پاکستان اور یورپی یونین کے درمیان دسویں سیاسی مذاکرات کا انعقاد کیا گیا، جس میں پاکستانی وفد کی قیادت سیکرٹری خارجہ آمنہ بلوچ، جب کہ یورپی وفد کی قیادت ڈپٹی سیکرٹری جنرل یورپین ایکسٹرنل ایکشن سروس اولوف سکوگ نے کی۔
مذاکرات میں دوطرفہ ، اہم علاقائی اور عالمی امور پر تبادلہ خیال کیا گیا ۔
پاکستان اور یورپی یونین نے اسٹریٹیجک انگیجمنٹ پلان (SEP)پر عملدرآمد کو یقینی بنانے کے عزم کا اظہار کیا۔ اس موقع پر پاکستانی وفد کی جانب سے مقبوضہ کشمیر کی صورتحال اور انسانی حقوق کی سنگین خلاف ورزیوں کے حوالے سے مفصل بریفنگ دی گئی۔
مذاکرات میں فریقین نے تنازعات کے حل کے لیے بات چیت اور سفارتکاری پر زور دیا اور فوری جنگ بندی کے لیے غزہ پر مشترکہ اپیل اور فلسطین میں دیرپا و منصفانہ امن کے لیے ایک دوسرے کی حمایت کا اعادہ کیا۔
فریقین ن ے ساتویں پاک۔یورپی یونین اسٹریٹیجک ڈائیلاگ کے جلد انعقاد پر بھی اتفاق کیا۔
