پاکستان میں بھارتی فلموں کی نمائش بند ہونی چاہیے اداکارہ صائمہ خان

بھارتی فلموں کے آگے آنکھیں بچھا کر ان کی اپنے سینماؤں میں نمائش کروائی جا رہی ہے،اداکارہ:فوٹو : فائل

---

BAHAWALPUR: فلم اور اسٹیج کی اداکارہ صائمہ خان نے کہا ہے کہ پاکستان میں بھارتی فلموں کی نمائش بند ہونی چاہیے ہمیں پاکستانی فلموں پر توجہ دینا ہو گی۔

آئی این پی سے خصوصی گفتگو کرتے ہوئے صائمہ خان نے کہا کہ پاکستان میں بھارتی فلموں کی نمائش ہماری فلم انڈسٹری کی جڑیں کاٹ رہی ہے، حکومت کو اس کا بھی سختی سے نوٹس لینا چاہیے۔

انھوں نے کہا کہ بھارتی فلموں کے آگے آنکھیں بچھا کر ان کی اپنے سینماؤں میں نمائش کروائی جا رہی ہے جب کہ پاکستانی فلموں کو سینما ہی میسر نہیں جو لمحہ فکریہ ہے۔