شام میں باغی گروپ ''جيش الحر'' نے گزشتہ اگست کے دوران اغوا كئے گئے48ايرانی زائرين كو قطر اور ترکی کی مشتركہ مداخلت كے بعد رہا كرنے كا فيصلہ كیا ہے۔
ايران كے نائب وزير حسن قشقاوی نے انكشاف كيا كہ گزشتہ چند عرصے كے دوران شام ميں حراست ميں لئے گئے ايرانيوں كو جلد رہائی ملنے والی ہے، يہ اقدام ايران اور شام كے درميان قيديوں كے تبادلے كے لئے طے پانے والے معاہدے كی روشنی ميں كيا جا رہا ہے۔ انہوں نے بتايا كہ ايرانی وزارت خارجہ شام ميں يرغمال ايرانی زائرين كی تركی اور قطر كی وساطت سے رہائی كی كوشش كر رہی ہے۔
حسن قشقاوی نے اميد ظاہر كی کہ اس كوشش كے مثبت نتائج نكليں گے۔ عرب ٹی وی کے مطابق ایران کا پارلیمانی وفداس سلسلے میں جلد ترکی اورقطرکا دورہ کرے گا جہاں وہ شام كی حكومت مخالف مسلح تنظيموں كے ہا تھوں يرغمال بنائے گئے ايرانی پاسداران انقلاب كے اہلكاروں كی رہائی كے معاملے پر مذاكرات كو آگے بڑھائے گا۔
