شاہد آفریدی اوران کی اہلیہ  کے درمیان دلچسپ ٹوئٹ سوشل میڈیا پروائرل

پاکستان سپر لیگ میں بہترین کارکردگی پرشاہد آفریدی اور ان کی اہلیہ نادیہ شاہد کے درمیان دلچسپ ٹوئٹ کا تبادلہ ہوا جو تیزی سے سوشل میڈیا پر وائرل ہورہا ہے۔

پاکستان سپر لیگ میں کوئٹہ گلیڈی ایٹرز کے خلاف شاہد آفریدی نے شاندار کارکردگی کا مظاہرہ کرتے ہوئے 23 گیندوں پر 45 رنز بنائے جس کی وجہ سے   پشاور زلمی کامیابی سے ہمکنار تو دوسری جانب بوم بوم کے مداح بھی بہت محظوظ ہوئے۔

Alhamdullilah. Proud of my wonderful husband❤ pic.twitter.com/SeUQRwv49O

— Nadia Shahid (@nsaafridi) February 25, 2017

شاہد آفریدی کی اہلیہ نے کوئٹہ گلیڈی ایٹرز سے جیت کے بعد سماجی رابطے کی ویب سائٹ ٹوئٹر پر اپنی ٹوئٹ میں کہا کہ الحمداللہ  مجھے اپنے خوبصورت شوہر پر فخر ہے جب کہ آفریدی نے بھی اہلیہ کی ٹوئٹ کے  جواب میں دلچسپ ٹوئٹ کرتے ہوئے کہا کہ مجھے آپ پر بھی فخر ہے اور میں نے ہمیشہ 2 اننگز کھیلی ہیں جس میں ایک مداحوں کی خوشی کے لیے اور دوسری آپ کی خوشی  کے لیے۔

https://twitter.com/SAfridiOfficial/status/835618436122300416

دونوں میاں بیوی کے درمیان دلچسپ مکالمہ تیزی سے سوشل میڈیا پر وائرل ہورہا ہے اور مداحوں کی جانب سے دونوں کی کیمسٹری کو خوب سراہا جارہا ہے۔