آرمی چیف جنرل راحیل شریف نے الوداعی دوروں کا آغاز کردیا

آرمی چیف کی مدت ملازمت رواں ماہ 29 تاریخ کو ختم ہو رہی ہے۔ فوٹو: آئی ایس پی آر

---

پاک فوج کے شعبہ تعلقات عامہ کے مطابق آرمی چیف جنرل راحیل شریف نے الوداعی دوروں کا آغاز کردیا ہے۔

[poll id="1266"]



ڈی جی آئی ایس پی آر لیفٹیننٹ جنرل عاصم سلیم باجوہ نے اپنے ٹویٹ میں کہا ہے کہ آرمی چیف جنرل راحیل شریف نے لاہور سے اپنے الوداعی دوروں کا آغاز کر دیا ہے۔ آرمی چیف جنرل راحیل شریف نے لاہور گیریژن ون میں پاک فوج اور رینجرز کے افسران اور جوانوں سے خطاب کیا اور جوانوں سے گلے بھی ملے۔

#COAS kicks off his farewell visits beginning from Lhr today.Meets,addresses,thanks huge gathering of soldiers of Army&Rangers at Garrison-1

— Gen(R) Asim Saleem Bajwa (@AsimBajwaISPR) November 21, 2016

اس موقع پر جنرل راحیل شریف کا کہنا تھا کہ امن و امان کا قیام اوراستحکام آسان کام نہیں تھا لیکن ہماری قربانیوں اور مشترکہ قومی عزم نے ملک کے خلاف تمام مشکلات پر قابو پانے میں مدد کی۔ ڈی جی آئی ایس پی آر کے مطابق آرمی چیف کراچی، پشاور اور کوئٹہ کا دورہ بھی کریں گے۔

Accomplishment of peace&stability no ordinary task.Our sacrifices&joint national resolve helped us in off setting all odds against country-2 pic.twitter.com/yYak27TU98

— Gen(R) Asim Saleem Bajwa (@AsimBajwaISPR) November 21, 2016

ترجمان پاک فوج کے مطابق آرمی چیف جنرل راحیل شریف نے گوجرانوالہ گیریژن کا بھی الوداعی دورہ کیا اور جوانوں کی پیشہ وارانہ مہارت اور قربانیوں کو سراہا جب کہ انہوں نے انسداد دہشت گردی تربیت میں منگلا کور کے کردار کی تعریف کی، پاک فوج کے سربراہ نے ایل او سی اور ورکنگ باؤنڈری کے شہدا کو خراج عقیدت بھی پیش کیا۔



واضح رہے کہ آرمی چیف جنرل راحیل شریف کی مدت ملازمت رواں ماہ 29 نومبر کو ختم ہو رہی ہے۔ آرمی چیف کی مدت ملازمت میں توسیع کے حوالے سے میڈیا پر مختلف خبریں زیر گردش رہی ہیں لیکن ڈی جی آئی ایس پی آر کی خبر نے اس قسم کی تمام خبروں کی تردید کر دی ہے۔