امیتابھ کیساتھ کام کرنے پر فخر ہے سلور اسکرین پر پرفارمنس کی دھوم مچے گی امریتا راؤ

بالی وڈ چھوڑنے کا سوال ہی پیدا نہیں ہوتا، اپنے کام پر بھرپور توجہ دیتی ہوں،31سالہ بالی وڈ اداکارہ و ماڈل اور بیوٹی کوئین کی گفتگو۔ فوٹو: فائل

---

KARACHI: بالی وڈ اداکارہ امریتا رائو کی تین نئی فلمیںرواں سال اگست میں ریلیز کی جارہی ہیں ۔

آنیوالی فلم ''ستیہ گرہ ''میں امیتابھ بچن کے ساتھ اہم کردار نبھایا ہے ۔اس فلم میں اجے دیوگن ،ارجن رام پال اور کرینہ کپور بھی اہم کردار میں جلوہ گرہورہے ہیں ۔امریتا رائو کا کہنا ہے کہ ایکشن اور رومانوی فلموں کے ساتھ کامیڈی بھی کررہی ہوں۔اب بالی وڈ میں کام کرتی رہوں گی اور سلور اسکرین پر اداکاری کی دھوم مچادوں گی ،رواں سال مزید کئی فلمیں سائن کی ہیں ۔نئی فلموں میں روٹین سے ہٹ کر کردار ملا ہے ۔اپنے کردار سے مطمئن ہوں ۔امیتابھ بچن کے ساتھ کام کرنے پر فخر ہے ۔امریتا رائو نے کہا کہ مارچ میں ریلیز ہونے والی فلم پر پرفارمنس کو سراہا گیا ہے ۔

مداحوں کو مایوس نہیں کروں گی ۔دو سال ہندی سینما سے دور رہنے والی بالی وڈ اداکارہ امریتا رائو کی رواں سال مارچ میں واپسی ہوگئی ہے ۔ ۔ایک سوال کے جواب میں انھوں نے کہا کہ بالی وڈ چھوڑنے کا سوال ہی پیدا نہیں ہوتا۔ 31سالہ بالی وڈ اداکارہ نے کہاکہ میں نئی فلموں کے ساتھ نئے سال کے دوران اپنے مداحوں کے درمیان رہوں گی ۔امریتا نے کہا کہ نئے سال کے دوران ریلیز ہونے والی فلم ''سنگھ صاب دی گریٹ ''میں اہم کردار نبھارہی ہوں۔ بالی وڈ اداکارہ کا کہنا ہے کہ فلم ''لو یو ''بھی نئے سال میں آئے گی ۔انھوں نے بتایا کہ۔ جب کہ فلم ''سنگھ صاب دی گریٹ ''رواں سال اگست کو ریلیز کی جائے گی ۔



انھوں نے کہا کہ امسال مارچ میں ریلیز ہونے والی فلم ''جولی ایل ایل بی'' کے بعد مزید تین اہم فلمیں سینماگھروں کی زینت بنائی جائیں گی ۔ ان میں میرا کردار روٹین سے ہٹ کر ہوگا ۔ انھوں نے ایک سوال کے جواب میں بتایا کہ کسی فنکار کے لیے وہ بڑا کٹھن وقت ہوتا ہے جب اسے کسی فلم کی ڈیمانڈ پر وزن بڑھانے یاکم کرنے کے لیے کہا جاتا ہے۔ اس دوران جو خوراک ہم روٹین میں لے رہے ہوتے ہیں انھیں تبدیل کرنا پڑتا ہے اور ورزش بھی کرنا ہوتی ہے ۔واضح رہے کہ 17جون 1981کو ممبئی میں پیدا ہونے والی امریتا رائو نے ماڈلنگ سے کیرئیر کا آغاز کیا ۔ 2002میں اداکارہ کی پہلی فلم''اب کے برس''ریلیز ہوئی ۔

پھر فلم ''بھگت سنگھ ''میں کردار نبھایا مگر ان کی 2003میں آنیوالی فلم''عشق وشق''نے دھوم مچادی ۔ اسی سال ان کی فلم ''مستی'' بھی ریلیز ہوئی۔ 2004میں فلم ''میں ہوں ناں''میں پرفارم کیا۔ اسی برس فلم ''دیوار''میں بھی اپنی اداکارانہ صلاحیتوں کا اظہار کرکے شائقین کے دل جیتے۔ امریتا رائو نے 2005میں فلم ''واہ لائف ہوتو ایسی ''میں جلوے دکھائے ۔2006میں فلم ''پیار مہان''اور ویواہ ''میں روٹین سے ہٹ کر کردار نبھایا ۔2007 میں فلم ''ہے بی ''میں آئٹم سانگ کیا پھر فلم ''مائی نیم از انتھونی ''میں ریا کا کردار نبھایا ۔اسی سال ایک تلگوفلم بھی کی۔

2008میں فلم ''شریا''اور فلم ''ویلکم ٹو سجن پور ''میں پرفارم کیا ،ان میں فلم ''ویلکم سجن پور ''میں عمدہ پرفارمنس پر اداکارہ کو ایوارڈ سے نوازا گیا۔ اسی سال فلم'' وکڑی ''میں بھی کام کیا۔ جب کہ فلم ''لائف پارٹنر''میں مختصر کردار نبھایا۔ 2009میں فلم ''شارٹ کٹ'' ''دی گن از آن''میں اداکاری کی۔ 2010میں فلم ''جانے کہاں سے آئے ہیں ''میں بھی مہمان اداکارہ کے طور پر اداکاری کے جوہر دکھائے ۔اس کے بعد 2011میں جو فلم ریلیز نہ ہوسکی اسے بھی اب رواں سال ریلیز کرنے کے انتظامات کیے جارہے ہیں۔