’ماہرہ خان ہمارا فخر ہے‘ اداکارہ میرا نے ماہرہ کی تعریفوں کے پُل باندھ دئیے

ماہرہ جس مقام پر تم آج ہو ہمیں تم پر فخر ہے، اداکارہ میرا فوٹوفائل

---

نامور پاکستانی اداکارہ ماہرہ خان اوراسکینڈل کوئین میرا کے درمیان طویل عرصے سے جمی برف پگھلنے لگی ہے اداکارہ میرا نے ماہرہ کی تعریفوں کے پُل باندھ دئیے۔

گزشتہ روزماہرہ خان نے ٹوئٹر پر ہدایت کار عاصم رضا کی فلم ''پرے ہٹ لو'' کے بارے میں اپنے خیالات کا اظہارکرتے ہوئے کہا تھا میں نے ''پرے ہٹ لو'' کا گانا دیکھا ہے، گانے میں تمام لوگوں نے اچھی پرفارمنس دی ہے لیکن ''میرا جی'' کی پرفارمنس اتنی زبردست ہے کہ آپ کی نظریں ان سے ہٹتی ہی نہیں، میرا نے اسکرین پر کسی کو نظر ہی نہیں آنے دیا۔

اس خبرکوبھی پڑھیں: ماہرہ گھروں کے چولہے بند کرنے کا مشن لے کر آئی ہے

I just saw a little preview of one of the songs of #pareyhutlove and the song and everyone in it is fantastic...but man you can’t look away from Meera Jee!! Owns every frame! 💃🏽💯❤️@TheMeeraJee

— Mahira Khan (@TheMahiraKhan) February 21, 2019

ماہرہ کی اس تعریف کے جواب میں اداکارہ میرا نے ماہرہ سے اپنی طویل دشمنی کا خاتمہ کرتے ہوئے کھلے دل سے ان کی تعریف کا شکریہ ادا کیا اور کہا ماہرہ تم نے جو عزت اور محبت مجھے دی ہے میں اسے ہمیشہ یاد رکھوں گی۔ اس کے ساتھ ہی میرا نے ماہرہ کی تعریفوں کے پُل باندھتے ہوئے کہا ماہرہ جس مقام پر تم آج ہو ہمیں تم پر فخر ہے، خدا ہمیشہ تم پر اپنی مہربانی رکھے۔

اس خبرکوبھی پڑھیں: میرا کا ماہرہ سے متعلق یوٹرن

Thankyou @TheMahiraKhan for such a loving tweet. I will always cherish the love and respect you have given me. Also, thankyou for being who you are and making all of us proud in so many ways. May God bless you forever.

— Meera (@TheMeeraJee) February 21, 2019

واضح رہے کہ اس سے قبل اداکارہ میرا ماہرہ خان کو کئی بار تنقید کا نشانہ بناچکی ہیں یہاں تک کہ ماضی میں میرا نے ماہرہ کے خلاف طنز کے تیر برساتے ہوئے کہا تھا کہ ماہرہ خان شوبز سے وابستہ اداکاراؤں کے چولہے بند کرنے کا مشن لے کراس شعبے میں آئی ہے۔

یاد رہے کہ فلم ''پرے ہٹ لو'' میں اداکار شہریار منور اور مایاعلی اداکاری کے جوہر دکھاتے نظر آئیں گے، جب کہ اداکارہ میرا بھی فلم میں ایک گانے میں شامل ہیں۔ اس کے علاوہ ماہرہ خان اور فواد خان بھی فلم میں مختصر کرداروں میں نظر آئیں گے۔''پرے پٹ لو'' رواں سال عید الضحیٰ پر ریلیز کی جائے گی۔